Qazirgi tańda vırýs juqtyrǵandardyń 24-i osy oblys ortalyǵynan tirkelip otyr.
– Bul qabyldanǵan shekteýlerge qaramastan jerlesterimizdiń ınfeksııanyń qaýiptiligin sezinbeı, karantın talaptaryn saqtamaı otyrǵanyn kórsetedi. Sondyqtan da, indettiń taralýyn tejeý sharalaryn shıratýymyz kerek, – dedi qala basshysy.
Shahar basshysy tótenshe jaǵdaı rejım talaptaryn saqtaı otyryp, kóktemgi egis jumystaryn kesheýildetpeýdi mindettedi. Qalaǵa qarasty aýyldar men saıajaılarda halyq kúndelikti kóp tutynatyn azyq-túlik tapshylyǵyn boldyrmaý maqsatynda uıymdastyrylǵan kóshpeli saýdany toqtatpaý kerek.
Sondaı-aq, shahar basshysy qala mańyndaǵy eldi-mekenderge turǵyndar jalaqylary men zeınetaqylaryn alý úshin ekinshi deńgeıli bankter arqyly bankomattar ornatý joldaryn qarastyrýdy tapsyrdy.
