22 sáýirge qaraǵan túni saǵat 02.00 shamasynda Altynsarın kóshesinde birneshe otbasy turyp jatqan qos qabatty kottedjden órt shyǵady. Muny túngi kúzette júrgen leıtenanttar Janbolat Jaýtın men Amantaı Baıjanov baıqap qalyp, birden kómekke umtylady.
– Biz sol sátte órt sóndirýshiler men jedel járdem qyzmetin shaqyrdyq. Mundaıda ár sekýnd qymbat. Eki qabatty úıdiń mansardynda da adam bar eken, - deıdi Janbolat Jaýtın. Úıdiń aınalasyndaǵy qorshaýy bıik, qaqpasy jabyq bolǵan. Polıseıler qorshaýdan sekirip túsip, qulyptaýly úıdiń esigin buzyp ishke enedi. Bul kezde mansard túgeldeı qyzyl jalynǵa oranyp, úıdiń ishin qoıý tútin basa bastaǵan. Polıseıler jantalasyp júrip, úıdegilerdi uıqydan oıata bastaıdy. Oıana almaǵandaryn syrtqa kóterip shyǵarǵan. Turǵyndardyń biri qalmaı syrtqa shyǵarylǵanyna kózimiz jetkenshe úıge qaıta-qaıta kirip, bólmelerdi birneshe ret tekserip shyqtyq, - deıdi ústindegi qyzmettik kıimin jalyn jalap julym-julym etken, qolyn kúıik qaryǵan Amantaı Baıjanov.
О́rt shyqqan úıdiń qojaıyny Pavel Iаkovlev úıdi ózi turǵyzǵanyn, qazir bólmelerin jalǵa berip jatqanyn aıtty.
Qostanaı
