– Karantınniń engizilýimen kásipkerliktiń barlyq salasy qıyndyqqa tap bolǵany belgili. Ásirese, aýyl sharýashylyǵy salasyndaǵy kásipkerler tyǵyryqqa tirelip otyr. Bul máselege úkimettik deńgeıde mán berilip, kóktemgi dalalyq jumystardy, tabıǵatty qorǵaý, veterınarııalyq jumystar júrgizý, aýyl sharýashylyq, onyń ishinde bal ara sharýashylyǵy is-sharalaryna qatysy barlarǵa júrip-turýǵa ruqsat berildi.
Aýyl sharýashylyǵy tehnıkalaryna qatysty da túıtkildi másele baıqalýda. Buzylǵan tehnıkaǵa qosalqy bólshekter satatyn saýda oryndarynyń barlyǵy jabyq. Sondyqtan da qosalqy bólshek satýmen aınalysatyn kásipkerlik nysandar tizimin jasadyq. Atalmysh másele oblystyq shtabta qaralyp, sol tizimge engen kásipkerlerge ǵana jumys jasaýǵa ruqsat berildi - deıdi Pirmuhammed Syzdyqov.
Atalmysh kásipkerlik sýbektileri karantın jaǵdaıynda barlyq sanıtarlyq talaptardy saqtaı otyryp, 23 sáýirden bastap saǵat 10.00 men 15.00 aralyǵynda qyzmet kórsetetin bolady.
