Áıel karantınge jatqyzylǵanǵa deıin kóp eshkimmen jaqyn baılanysta bolmaǵan. Qazir naýqas indetke qarsy keshendi emdeý sharalarynan ótip jatyr. Jaǵdaıy turaqty, shaǵymy joq.
Qazir Arqalyqtyń kósheleri, kóp qabatty turǵyn úı kireberisteri men Qazposhta, bankterdiń halyqqa qyzmet kórsetý oryndary kúndelikti dezınfeksııalanyp turady.
Qalada 15 adam karantındik bólimshede jatyr. Olardyń bireýi Reseıden kelgen, 14-i naýqaspen baılanysta bolǵandar.
Arqalyq óńirlik aýrýhanasynyń provızorlyq bólimshesinde sýyq tıgen, tumaýratyp qalǵan 6 adam jatyr. 64 adam úı karantıninde. Barlyǵynan oqshaýlaý erejelerin saqtaý týraly qolhat alynǵan. Qazir polısııa qyzmetkerleriniń baqylaýynda.
Qazir qala aýmaǵynda úsh tosqaýyl beketi qoıylǵan. Onyń bireýi sanıtarlyq beket, ekeýi mobıldi. Bul beketterde 137 polısııa qyzmetkeri eki aýysymdy rejimde qyzmet atqaryp jatyr.
Qalada qoǵamdyq kólik pen taksı múldem júrmeıdi. Tek 79 qyzmettik kólikke shekteý joq. Sondaı-aq kólikpen júrýge 186 kásipkerge jáne 318 ruqsat etilgen. Aýylsharýashylyq tehnıkalarynyń qozǵalysyna da shekteý qoıylmaǵan.
Turǵyndar qala tynysy týraly jergilikti teledıdar efıri men áleýmettik jeliler arqyly kúndelikti habar alyp otyr.
О́ńirlik jedel shtabtyń málimetinshe, qala aýmaǵyndaǵy halyqqa birinshi kezekte qajet taýarlar baǵasy baqylaýda. Azyq-túlik tapshylyǵy joq. Jaǵdaı turaqty.
Qostanaı oblysy
