Amerıkandyq Oracle baǵdarlamalar jasaıtyn kompanııasynyń negizin qalaýshy jáne dırektorlar keńesiniń tóraǵasy Larrı Ellıson YouTube jáne Zoom arqyly ótken beınekonferensııalardyń sapasyna rızashylyq bildirdi. «Kompanııalar eshqashan betpe-bet kezdesýlerge oralmaıdy. Bul jeke bas qaýipsizdigi úshin de, qarjy únemdeý úshin de tıimdi. Kompanııanyń tabysynyń 15-20 paıyzy keńseni jaldaýǵa nemese kommýnaldyq shyǵyńdarǵa ketedi. WeWork kovorkıng júıesi qarjyny únemdeýge múmkindik bergendikten, bul usynystan alpaýyt kompanııalardyń ózderi bas tarta almaıdy. Men oǵan senemin», deıdi Larrı Ellıson.
Eske sala keteıik, Oracle kompanııada 136 myńǵa jýyq qyzmetker jumys isteıdi.Álemniń 17 elinde fılıaly bar.
«Eger árkim úıde jumys isteı alatyn bolsa, onda úlken keńselerdiń ne qajeti bar. Múmkin, keńseniń jal aqysy nemese kommýnaldyq tólemderdiń shyǵandaryn qyzmetkerlerimizdiń aılyq jalaqysyn jumsaýdyń kezi kelgen shyǵar. Qazirgideı aqparatty tehnologııalardyń zamanynda keńse jaldap, basy artyq shyǵynǵa jol berý tym aqyldy sheshim emes», depti tehnıkalyq qoldaý qyzmetterin usynýshy SAP Rımını kompanııasynyń Bas dırektory Set Raven.
Onyń kompanııasy Las-Vegasta ornalasqan jáne búkil álemde 30 keńsesi bar.
Ravenniń ustanymyn Okta qoldanýshysynyń tirkelý derekterin basqarý qyzmetteriniń bas dırektory Todd MakKınnon da qoldady.
Okta kompanııasynda 2 248 adam jumys isteıdi. Olardyń kópshiligi San-Fransıskodaǵy bas keńsede, qalǵany – basqa elderdiń 12 keńsesinde ornalasqan. «Biz osyǵan keńseler aýmaǵyn ulǵaıtýdy josparladyq. Keńsemizdiń kóptiginen qyzmetkerimizdiń tıisti deńgeıde jalaqysyn kóterýge múmkindik bola bermedi. Qashyqtan jumys isteý bizge bar joǵary 10 shaqty sharshy metr keńse de qajetimizdi óteıtinin kórsetti, al bıznes kelisimsharttary úshin kovorkıng te jetedi. Sebebi kez kelgen kompanııa iri kelisimsharttarǵa kún saıyn qol qoıa bermeıdi», dedi MakKınnon.
Biz osyǵan deıin Qazaqstanda da karantınnen keıin hoým keńse suranysqa ıe bolatynyn, keıbir memlekettik korporasııalardyń osy úrdiske kezeń-kezeńmen kóshýdi josparlap jatqanyn jazǵanbyz.
Qazaqstandyq sarapshylar kovorkıng bıznesi buǵan deıin de paıda bolǵanyn aıtady. Almaty men Nur-Sultanda keńse jaldaýdyń baǵasy qymbat. Sol sebepti ShOB ókilderi qazaqstandyq nemese sheteldik áriptesterimmen kelisimshartqaqol qoıý úshin kovorkıngtiń tıimdiligine basymdyq bere bastaǵan.
ALMATY
