Osy mektepte oqýshynyń anasy Baǵymkúl Muratbaıqyzy kitaptyń balanyń tulǵalyq qasıetterin damytýdaǵy mańyzy erek ekendigin aıtady.
О́zim bala kezden bastap kitap oqýǵa áýes boldym. Qazaq aqyndarynyń birazyn oqydym. Juban Moldaǵalıevtiń shyǵarmalaryna qurmetim erekshe, – degen ol aqynnyń 100 jyldyǵyna oraı shyǵarmashylyǵyn nasıhattaýdyń bastamasy retinde óleńderin oqydy.
Zamanaýı tehnologııalar qaryshtap damyǵan qazirgi zamanda da kitap rýhanı baılyqtyń ólshemi bolyp qala beretini anyq. Mekteptiń 10-synyp oqýshysy Nuraı О́mirzaqova úshin «Dúnıejúzilik kitap kúni» erekshe meıram bolyp sanalady. Abaı óleńderin 10 jasynda oqı bastaǵan jas zııatker búginde uly aqynnyń 200-den astam shyǵarmasyn jatqa biledi.
– Birda anam Muhtar Áýezovtiń «Abaı joly» roman-epopeıasyn oqýǵa keńes berdi. Sońyna deıin bas almaı oqyp shyqtym. Onda aıtylǵan oryndardy, tarıhı qonystardy kózimmen kórýge talpyndym. Osydan da besinshi synyp oqyp júrgende «Abaı oqýlary» baıqaýyna qatysý úshin óleńderin jattadym. Sóıtip aýdandyq jáne oblystyq baıqaýda jeńimpaz atanyp, Abaıdyń dúnıege kelgen topyraǵy Semeıge barýǵa múmkindik aldym, - deıdi jas daryn.
«Kitap kúnin» Zııatkerlik mektep oqýshylary jyl saıyn «Tátti kitaptar» festıvali, bir-birine kitap syılaý dástúri qalyptasqan «Kitap álemdi baǵyndyrady» aksııasy men aýyl mektepteriniń kitaphanalaryna jańa ádebıettermen qamtamasyz etý «Bookcrosing» sharasy sekildi qyzyqty jobalarmen atap ótedi.
