Búginde kóptegen JOO-da zamanaýı aqparattyq tehnologııalar men telekommýnıkasııalyq júıeler negizinde qashyqtan oqytýdyń elementteri engizilgen. Osyǵan baılanysty elimizdegi aldyńǵy qatarly joǵary oqý oryndarynyń bilikti oqytýshy mamandarymen tildesýdiń sáti tústi.
«JOO-lardyń qashyqtan oqytý júıesindegi eń basty nysan – úzdiksiz bilim berý, – deıdi Nazarbaev ýnıversıteti Qazaq tili men túrkitaný departamentiniń professory, pedagogıka ǵylymdarynyń kandıdaty Zeınep Naıatýllaqyzy. – Osyǵan sáıkes ýnıversıtetimizge qashyqtan oqytý tehnologııasy eshqandaı qıyndyq týǵyzyp jatqan joq desek te bolady. Sebebi onlaın bilim berý prosesi birtalaı jyldan beri qoldanysta bar. Máselen, ýnıversıtetimiz Moodle júıesimen jumys istep keledi. Ol álemniń 200-deı eliniń eń iri joǵary oqý oryndarynda qashyqtan oqytý júıesi retinde qoldanylady. Qazirgi ýaqytta onlaın oqytýǵa arnalǵan quraldardyń túri óte kóp. 2015-2016 jyldar aralyǵynda AQSh-tyń Vıskonsın shtatyndaǵy Vıskonsın-Madıson ýnıversıtetinde taǵylymdamadan óttim. Bilim ala júrip, onlaın oqytý júıesine qatysty kóptegen aqparattyq tehnologııany meńgerdik. Solardyń qataryndaǵy Socrative, Playposit, Peergrade, Edpuzzle, Thinglink, Quizlet, Infographic, Mentimeter, Classroom, Slideshare, Pictochart, Smatrup jáne Flipped Learning and Blended Learning sııaqty onlaın oqytý baǵdarlamalarymen ýnıversıtetimiz stýdentterge aqparatty tasymaldaýdyń tıimdiligin arttyrýda. Sondaı-aq Blended Learning oqytý júıesi boıynsha buǵan deıin sabaqtyń 60%-y dárishanada ótkizilse, qazirgi tańda 40%-y onlaın túrinde oqytylyp jatyr. Máselen, 2018 jyldan bastap Nazarbaev ýnıversıtetinde Qazaq tili jáne túrkitaný departamentiniń uıymdastyrýymen «STEAM júıesi boıynsha til oqytý: tehnologııalar men daǵdylar» atty sheteldik jáne otandyq tájirıbelerge negizdelgen ádistemelik semınar-trenıng júrgizýdi bastadyq. Atalǵan semınardyń basty maqsaty – Qazaqstannyń barlyq oqý ornynyń oqytýshylaryna zamanaýı jańa pedagogıkalyq tehnologııalar men onlaın oqytý tehnologııalaryn bilim berý úderisinde tıimdi paıdalanýdy meńgertý. Semınarǵa Qazaqstannyń kóptegen óńiriniń JOO jáne orta bilim berý oryndarynyń 80-nen astam oqytýshysy qatysty. Otandyq oqý oryndaryzǵa onlaın oqytýdyń ádistemesimen bólisýge qashanda ázirmiz, qandaı jaǵdaıda da «Biz birgemiz!» dep aıta alamyz».
Al Qazaq ulttyq qyzdar pedagogıkalyq ýnıversıtetiniń professory, fılologııa ǵylymdarynyń kandıdaty Bolathan Serǵazyuly: «Stýdenttermen ártúrli platformamen jumys istep kelemiz. Qaı platformanyń tıimdi, ózderine yńǵaıly jaqtaryn tańdaýǵa yqpaldasýdamyz. Olar «Kelesi joly «drive.google.com nemese Zoom baǵdarlamasymen sabaq ótsek» degen usynystaryn aıtyp jatady. Endi mine, qashyqtan oqytý júıesiniń talaby da kúsheıtildi. 43 mamandyq boıynsha pedagogıkalyq mamandar daıarlaıtyn ýnıversıtetimiz de qashyqtan oqytý júıesine aýysyp, túrli baǵdarlama arqyly dáristerin onlaın túrde jalǵastyryp keledi. Maqsat – Gıpermátin, mýltımedıa, GIS-tehnologııasyn jáne taǵy basqa platformalardy qoldana otyryp, dáristerdi mazmundy túrde jetkizý», deıdi.
Al Eýrazııa gýmanıtarlyq ınstıtýty Qazaq jáne orys fılologııasy kafedrasynyń meńgerýshisi, fılologııa ǵylymdarynyń kandıdaty, dosent Laýra Noǵaıbekqyzynyń aıtýyna qaraǵanda, onlaın oqytý júıesi áli bir izge túspepti. «Bıylǵy oqý jylynan bastap, syrttaı oqý júıesi qashyqtan oqytý júıesine aýystyryldy. Onlaın oqytý júıesi qazir bir izge tústi dep aıta almaımyn. Ár oqý ornynyń aqyldasa otyryp tańdaǵan baǵdarlamalary bar. Bizdiń ınstıtýt AIS «PLATONUS» boıynsha jumys isteıdi. OES-Webinar platformasyn, ZOOM, SKYPE baǵdarlamalaryn onlaın-dáris, semınar ótkizýde jıi qoldanady. Instıtýtymyz OPENU.KZ saıtynda ornalasqan «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda joǵary oqý oryndary men mamandary birlese ázirlegen onlaın-kýrstardyń utymdylyǵyn stýdentterge jedel tasymaldaýdy qamtamasyz etip jatyr. Jalpy, tańdaǵan baǵdarlamalarymyzdy satyp alý, ornatý, basqa da máselelerdi ınstıtýt basshylyǵy der kezinde sheship otyrady. Al emtıhan óz ýaqytynda ótedi degen oıdamyn. Qazir onlaın túrde emtıhanǵa daıyndyq jumystaryn bastap kettik. Instıtýtta stýdentter úshin Call-ortalyq jumys isteıdi. Stýdentter emtıhan, basqa da máseleler boıynsha kez kelgen ýaqytta habarlasyp jaǵdaıdy bile alady», deıdi ol.
Aıym BOLATQYZY
