Osy aptanyń sońynda Ońtústik Qazaqstan oblysynyń ákimi Asqar Myrzahmetov bastaǵan bir top kásipkerler Máskeýge sapar shegip barady. Bul sapar Keden odaǵyna múshe eldermen aımaqaralyq yntymaqtastyqty damytý boıynsha Elbasynyń tapsyrmasyn oryndaý maqsatynda josparlanǵan. Ońtústikqazaqstandyq delegasııa Máskeý, Qazan jáne Ekaterınbýrg qalalarynda ekijaqty bıznes qurylymynyń qatysýymen dóńgelek ústel, eki jaqty kezdesýler ótkizip, osy qalalardaǵy ındýstrııalyq nysandardy aralap, tájirıbe almaspaq.
Osy aptanyń sońynda Ońtústik Qazaqstan oblysynyń ákimi Asqar Myrzahmetov bastaǵan bir top kásipkerler Máskeýge sapar shegip barady. Bul sapar Keden odaǵyna múshe eldermen aımaqaralyq yntymaqtastyqty damytý boıynsha Elbasynyń tapsyrmasyn oryndaý maqsatynda josparlanǵan. Ońtústikqazaqstandyq delegasııa Máskeý, Qazan jáne Ekaterınbýrg qalalarynda ekijaqty bıznes qurylymynyń qatysýymen dóńgelek ústel, eki jaqty kezdesýler ótkizip, osy qalalardaǵy ındýstrııalyq nysandardy aralap, tájirıbe almaspaq.
Árıne, «Kelgenshe qonaq uıalady, kelgen soń úı ıesi uıalady» degen, Ońtústiktiń kásipkerleri ol jaqtaǵy jurttan uıat bolmasyn dep bir kerýen jetektep barýdy jón sanapty. Bıyl Ońtústiktiń qambasy toq. Atap aıtar bolsaq, bıyl aýyl sharýashylyǵy daqyldarynyń egis kólemi ótken jylmen salystyrǵanda 30,0 myń gektarǵa artyp, 772,0 myń gektardy qurady. Egistikti ártaraptandyrý nátıjesinde, mal azyqtyq daqyldardyń kólemi ótken jylmen salystyrǵanda 35 myń, dándi daqyldar 33 myń artsa, kerisinshe, maqta daqylynyń kólemi ótken jylmen salystyrǵanda 6 myń, maqsary – 14,0 myń gektarǵa qysqartyldy. Sondaı-aq, jemis-jıdek pen júzim ekpeleriniń kólemi ulǵaıyp, 27,0 myń ga qurady. Keńes dáýiri kezinde jemis-jıdek daqyldary men júzimniń kópjyldyq ekpelerinen eń joǵary ónimdilik 1990 jyly alynyp, 137,0 myń tonnany quraǵan eken. Bıyl 26,0 myń tonnaǵa artyp, 163,0 myń tonna ónim jınalady.
Mine, oblys ákimi Asqar Myrzahmetov osynaý bereke, molshylyqtan máskeýlikter de aýyz tısin, dámin kórsin dep, 297 tonna azyq-túlik pen aýyl sharýashylyǵy ónimin tıegen kerýendi Reseıge jóneltti. Apta basynda sol kerýen attanyp ta ketti. 15-18 qyrkúıek aralyǵynda Máskeýde Qazaqstannyń alǵashqy aımaqaralyq jármeńkesinde Ońtústiktiń osy ónimderi saýda sórelerine shyǵatyn bolady. Shynyn aıtý kerek, buryn-sońdy Máskeý tórinde Qazaqstan mundaı jármeńkeni ótkizbegen. Al belorýs eli mundaı múmkindikti keńinen paıdalanýda eken. Bul jármeńke jergilikti kásipkerlerge óz ónimderin Keden odaǵy naryǵyna, onyń ishinde Máskeýge shyǵarýyna, ári kásibin damytý úshin mańyzdy ekonomıkalyq qadam bolyp tabylatyny anyq.
Oralhan DÁÝIT,
«Egemen Qazaqstan».
Ońtústik Qazaqstan oblysy.
–––––––––––––––––––––
Sýretti túsirgen
Arman ÁBDIRAShULY.
