Qońyrqaı qazaqy aýyldyń kún kórisi óriske shyǵarar maldyń aýzynda ekeni belgili. Ereımentaýdaǵy Erkinshilik aýyly ejelden atakásipti ardaq tutqan jandar. Biraq, malym janymnyń ǵana emes, arymnyń sadaǵasy degen qaǵıdat qatty ustalýshy edi. Taıaýda atadan mura dástúrge ońbaı syzat túskendeı kúı keshti aýyl.
Qońyrqaı qazaqy aýyldyń kún kórisi óriske shyǵarar maldyń aýzynda ekeni belgili. Ereımentaýdaǵy Erkinshilik aýyly ejelden atakásipti ardaq tutqan jandar. Biraq, malym janymnyń ǵana emes, arymnyń sadaǵasy degen qaǵıdat qatty ustalýshy edi. Taıaýda atadan mura dástúrge ońbaı syzat túskendeı kúı keshti aýyl.
Oblystyq tótenshe jaǵdaılar departamentindegi habar osyndaǵy K.Marks kóshesindegi 55-úıdiń 1-páterinde turatyn Baıat Serikbolattyń aýlasyndaǵy qysqa daıyndaǵan shóbi otqa oranǵanyn aıtady. Aýdan ortalyǵyndaǵy №10 órt sóndirý bóliminiń jaýyngerleri 57 shaqyrymdy artqa tastap jetkenshe jınaǵan azyqtyń basym bóligi janyp ketken. Áýpirimdep 5 tonnasyn aman alyp qalypty.
Arada týra eki saǵat ótkende sol úıdiń ekinshi qaptalyndaǵy Qalıakpar Arystannyń maıasy jalynǵa oranǵan. О́rt 24 tonna shópti kózdi ashyp-jumǵansha jalmap úlgergen. О́rt sóndirýshiler aýdannan tehnıkasyn qaıtadan saldyrlatyp jetkenshe osy boldy.
Osy órt sóndirýshiler sol kúni Erkinshilikten ketpeı-aq qoıýy kerek eken. Beti aýlaq, muny amalsyzdan aıtyp otyrmyz. Sol kúni keshte Novaıa kóshesindegi Myrzaqul Ańsaǵannyń 18 tonna shóbi janyp ketti.
Ábden abdyraǵan aýyl turǵyndary páleket osymen bitken shyǵar deýge de shamasy kelmeıtindeı ýaqytta tosyn oqıǵa taǵy qaıtalanǵanyn qaıtersiz. Araǵa jarty saǵat salyp Kırov kóshesindegi 15-úıdiń ıesi Svetlana Sarbeniń aýlasynan qyzyl shoq kóringen. Bul joly anaý-mynaý emes, 25 tonna shóp janyp ketti.
Mundaı sumdyqty Erkinshilik aýyly kórmep edi. Quqyq qorǵaý organdary buny áldekimderdiń qasaqana jasaǵan qysastyǵy dep otyr.
Baqbergen AMALBEK,
«Egemen Qazaqstan».
Aqmola oblysy,
Ereımentaý aýdany,
Erkinshilik aýyly.
