Atyraý oblystyq kedendik baqylaý departamenti qyzmetkerleri Qazaqstan aýmaǵyna sheteldik kóliktiń munaıly óńirge kontrabandalyq jolmen ákelingenin anyqtady. Atalǵan departamenttiń baspasóz qyzmetiniń habarlaýynsha, kedenshiler júrgizgen jedel-izdestirý sharalary nátıjesinde 2008 jyly Japonııadan shyǵarylǵan «Toyota RAV4» markaly avtokóliginiń jalǵan qujattar usyný arqyly el aýmaǵyna kirgizilgeni, sóıtip, Atyraý oblystyq jol polısııasy basqarmasynda tirkelgeni belgili boldy. Alaıda, tergeýaldy tekseris júrgizý barysynda, bul avtokóliktiń Belarýs Respýblıkasynyń jol polısııasy basqarmasynda tirkelmegendigi, sonymen birge, atalǵan kólikke usynylǵan tehnıkalyq qujattyń birde-biri avtokólikke berilmegendigi anyqtalyp otyr.
Osy fakti boıynsha qazir anyqtaý jumystary júrgizilýde.
Joldasbek ShО́PEǴUL,
«Egemen Qazaqstan».
Atyraý oblysy.
