Búgingi tańda fermerler «Qazybek» bazarynan arnaıy oryn alyp, jylyjaıdan jınalǵan kókónisterin arzan baǵada saýdaǵa shyǵarýda. Bul óz kezeginde qala turǵyndaryna azyq-túlikti, kókónisterdi "О́ndirýshiden tutynýshyǵa" prınsıpimen qoljetimdi baǵada alýǵa múmkindik beredi.
Máselen, turǵyndar deldaldar arqyly qyzanaqtyń kelisin 800 teńgege alsa, qazir 350-500 teńgeden, al qııardy 500 tg ornyna 150-300 teńgeden satyp alýda.
Shymkentte jalpy jylyjaı kólemi 183 gektardy quraıdy. Onyń 53 gektary – ónerkásiptik. Qalada jabyq jylyjaı keshenderdiń kólemin arttyrý maqsatynda kóliktik logıstıkalyq aımaǵy janynan 136 gektar jer qarastyrylyp, 100 gektar aýmaqqa ónerkásiptik jylyjaı keshender salynbaq.
Sondaı-aq aldaǵy ýaqytta jylyjaı ónimderin qaladaǵy iri saýda oryndaryna da tikeleı jetkizip berý múmkindikteri qarastyrylýda. Bul jergilikti ónimniń satylý qunyn tómendetip, jergilikti halyqtyń kókónisti deldalsyz qoljetimdi arzan baǵada alýyna múmkindik beredi.
Shymkent
