Bul qylmysyn áıel 2014 jyldan bastap, osy ýaqytqa deıin jalǵastyrǵan. Ofıserler jáne kelisimshartpen jumys isteýge tıisti qyzmetkerlerdiń bos qyzmet oryndaryna (vakantty) ol aqsha qorytyp, ony óziniń kúıeýi men dostarynyń esepshottaryna aýdaryp otyrǵan. Osynsha uzaq ýaqyt boıy ustalmaǵanyna qaraǵanda ınstıtýtta qarjylyq tártiptiń tym tómen ekendigi kórinip tur. Osy ýaqyt aralaǵynda bıýdjet qarajatynyń durys jumsalýyn baqylaýǵa tıisti birneshe tekserister de júrgizilgen. Biraq olardyń birde-biri memleket qarajatynyń urlanýyn kóre almaǵan. Nátıjesinde áıel, joǵaryda aıtylǵan, 27,8 mln teńgeni qoldy qylǵan.
Sybaılas jemqorlyqqa qarsy kúres agenttiginiń qyzmetkeri bul iske áıeldiń basshylary da jaýapkershilik tartyp, báriniń de jazasyn sot aıqyndaıtynyn aıtty. Áıeldiń ózine jeti jylǵa deıin bas bostandyǵynan aıyrylý jazasy berilýi múmkin eken. Alaıda, burynǵy tekseristerdi jasaǵan jandarǵa qandaı jaýapkershilik júktelýi múmkin ekenin ol atamady.
Sondaı-aq osy qyzmet Petropavl qalasy ákimdiginiń jaýapty qyzmetkeriniń de tutqyndalǵanyn jarııalady. Ol indetti joıý men jaıylýyna qarsy qurylǵan oblystyq jedel shtabtyń múshesi eken. Sondyqtan jekemenshik mashına ıelerine karantın kezinde erkin qozǵalýǵa múmkindik beretin ruqsat qaǵaz berýge múmkindigi bolǵan. Sońǵy ruqsat qaǵazdy 50 myń teńgege berip turǵan jerinen ustalyp, qazir ústinen qylmysty is qozǵaldy.
PETROPAVL
