Orman dala órtteriniń jıilep ketýine baılanysty tilsiz jaýǵa qarsy kúres jáne qaýipsizdik sharalary kúsheıtilýde. Bul baǵytta qala aýdan ákimderine jáne memlekettik mekeme basshylaryna naqty tapsyrmalar berilgen. «Sonymen qatar, oblys ákiminiń birinshi orynbasaryna 2020 jyldyń órt qaýipti maýsymynda oblys aýmaǵynda orman, dala órtteriniń aldyn alý jáne joıý jónindegi is-sharalar jospary ázirlenip, bekitýge usynyldy», dedi О́ńirlik kommýnıkasııalyq qyzmetinde ótken brıfıngte oblystyq Tótenshe jaǵdaılar departamenti bastyǵynyń orynbasary Eraly Aqylbekov.
Jyl basynan beri oryn alǵan 15 orman dala órtteriniń 12-si «Syrdarııa-Túrkistan memlekettik óńirlik tabıǵı parki» kommýnaldyq memlekettik mekemesine qarasty jerde oryn alǵan, 1 jaǵdaı Sozaq aýdanynda, taǵy 2 órt «Otyrar orman jáne janýarlar áleminiń qorǵaý jónindegi memlekettik mekemesi» kommýnaldyq memlekettik mekemesinde tirkelgen. О́tken jyldyń 3 aıynda eshqandaı órt oqıǵasy oryn almaǵan eken. Jalpy ótken jyly 5 órt oqıǵasy tirkelgen. Saldarynan 63,1 gektar jer otqa oranyp, orman sharýashylyǵyna 562,2 myń teńge shyǵyn kelgen.
Túrkistan oblysy
