Ol Atyraý oblysynyń Teńiz kentinde vahtalyq negizde jumys isteıdi. Belgilengen algorıtmge sáıkes, ol Jambyl oblysynyń aýmaǵyna kelgennen keıin karantındik stasıonarǵa oqshaýlanǵan. Zerthanalyq taldaý nátıjeleri boıynsha oǵan koronavırýs indetiniń dıagnozy qoıyldy.
Búgingi, ıaǵnı 26 sáýirdegi jaǵdaı boıynsha Jambyl oblysynyń aýmaǵynda koronavırýstyq ınfeksııanyń 104 jaǵdaıy tirkelip otyr. Onyń ishinde Taraz qalasynda 49, Baızaq aýdanynda 4, Jambyl aýdanynda 4, Qordaı aýdanynda 34, Merki aýdanynda 2, Moıynqum jáne Shý aýdandarynda bir-bir jaǵdaıdan anyqtalǵan. Sondaı-aq, «Delı-Taraz» reısinen 6 oqıǵa, Teńiz vahtalyq kentinen kelgen jumysshylar arasynda 3 oqıǵa anyqtalǵan.
О́ńirde qaýipti indetti juqtyrǵandardyń ishinen 42 adam emdelip, búginde dárigerlerdiń baqylaýyndaǵy úı karantınine shyǵarylǵan.
Jambyl oblysy
