Bıyl Aqtóbe oblysynda 788 myń gektar jerge egis egiledi dep josparlanǵan. Onyń 452 myń gektaryna dándi daqyldar, 30 myń gektaryna maıly daqyldar, 6,5 myń gektaryna kartop, 5 myń gektarǵa baý-baqsha ónimderi egilmekshi. Basqarma basshysynyń aıtýynsha, bıylǵy naýryzdyń basynda Aýyl sharýashylyǵy men Energetıka mınıstrliginen bólingen 9 myń tonna dızeldi otynnyń 2 myń 500 tonnasy sharýalarǵa taratylǵan.
Qazirde aýyldan keletin et-sút, kókónis jetkizýshilerdiń kólikteri arnaıy ruqsatnamamen blok–beketterden «Jasyl dáliz» arqyly ótip jatyr. Búgingi kúni oblystaǵy egis naýqanyna tuqym, tyńaıtqysh, jaǵarmaı tasıtyn 2265 avtokólik «Sergek» bazasyna engizilgen.
-Janarmaı, dızeldi otyn tasıtyn operatorlardyń kólikteri bazaǵa engizildi. Reseıden, basqa oblystardan tuqym, mal ákelip jatqandardyń ruqsatnamalaryn ázirlep, blok-beketterden kedergisiz ótýi úshin oblys ákimderi orynbasarlarymen úzilissiz habardpsyp otyrmyz. О́ńir turǵyndary mal bazary men qaladaǵy aýyl sharýashylyǵy tehnıkalarynyń qosalqy bólshekterin satatyn bazarlardyń ashylýyn suraıdy. Ázirge oblystaǵy qural-saımandar satatyn saýda núkteleriniń ortaq vatsap jelisi qurylyp, qajetti kólik qural-jabdyqtaryna osy jerden tapsyrys berilip jatyr, dedi Qusaıyn Sársembaı
Aýyl, aýdandardan avtokólikterdiń ótýi úshin sharýalar men kásipkerler óz aýdandarynyń aýyl sharýashylyǵy bólimderine ótinish jazyp, avtokólik nómirin, júrgizýshiniń jáne sharýashylyq qurylymy basshysynyń jeke sáıkestendirý nómirlerin tirketedi. Aýyl sharýashylyǵy bólimi osy málimetterdi oblystyq aýyl sharýashylyǵy basqarmasyna joldaıdy. Bul jerde osy málimetter «sergek» onlaın bazasyna kirgizilip, aýdandardan kelgen kóliktiń Aqtóbe qalasyna kedergisiz kirýine ruqsat beriledi. Biraq bul ereje basqa oblystardan keletinderge júrmeıdi. О́ıtkeni, ár oblysta «sergek» bazasy ártúrli.
Qazirgi ýaqytta óńirimizde negizgi azyq-túlik túrleriniń baǵasy turaqty. Osy kúni turaqtandyrý qorynda 435 tonna kartop bar. «Azyq-túlik» korporasııasy arqyly 20 myń tonna bıdaı satyp alyndy. Bul aldaǵy astyqqa deıin jetýi tıis. Jaqynda Qyzylorda oblysynan kúrish satyp alýǵa kelisim jasalynyp, oblys ákiminiń rezervinen bólingen 300 mıllıon teńge qarjyǵa negizgi azyq-túlik ónimderi turaqtandyrý qoryna satyp alyndy.
Elimizde tótenshe jaǵdaı engizilgennen bastap, naýryzdyń ortasynda elimizden 9 túrli taǵamdy eksporttaýǵa shekteý qoıyldy. Munyń qatarynda un jáne makaron ónimderi, qaraqumyq jarmasy, kúnbaǵys maıy, iri qaranyń eti, sút, kúrish, qant bar. Tikeleı efır kezinde aýyl sharýashylyǵy basqarmasy basshysy jaqynda, kúnbaǵys maıyn oblys shekarasynan syrtqa satýǵa qoıylǵan shekteýdiń alynyp tastalatynyn habarlady.
