- 2020 jyldyń 1-shi toqsanynyń qorytyndysy boıynsha barlyq qarjylandyrý kózderinen 349 myń sharshy metr (ótken jylǵy osyndaı kezeńmen salystyrǵanda 94,7%, 2019 jyly 369 myń sh.m.) turǵyn úı qoldanysqa berilgen. Salynyp jatqan turǵyn úılerdiń negizgi bóligin aǵymdaǵy jyldyń 2-shi jartyjyldyǵynda paıdalanýǵa berý josparlanǵan. Jyl sońynda 1 mln 200 myń sh.m. turǵyn úı paıdalanýǵa beriledi dep kútilýde, dedi Nurlybaı Aqqulov.
Onyń ishinde jeke turǵyn úı – 238,332 myń sharshy metrdi qurasa, kópqabatty turǵyn úı – 111,103 myń sharshy metrdi quramaq. Turǵyn úı qurylysyna ınvestısııalar kólemi 22,4 mlrd teńgeni qurady jáne ótken jylǵy kórsetkishpen salystyrǵanda 101,2% quraǵan.
Sonymen qatar, qurylys jumystarynyń kólemi 28,9 mlrd teńgeni qurap, naqty kólem ındeksi 101% boldy.
Baǵdarlamanyń oryndalýyna 2020 jyly respýblıkalyq bıýdjetten 10,1 mlrd teńge bólindi. Aǵymdaǵy jyldyń 1-shi toqsanynyń qorytyndysy boıynsha josparlanǵan 679,6 mln teńge tolyqtaı ıgerilgen.
Oblys ákimi orynbasarynyń aıtýynsha, jalpy bul baǵdarlama boıynsha iske asyrylyp jatyrǵan jobalarda 925 ýaqytsha jáne 50 turaqty jumys oryndary ashylady dep kútiledi.
