Bul qarjy 29,5 myń sh.m. quraıtyn 504 páterge arnalǵan turǵyn úıler qurylysyna jáne 67 páter satyp alýǵa jumsalady. Jyl sońynda 19,5 myń sh.m. quraıtyn 352 páterge arnalǵan turǵyn úıler qurylysy aıaqtalady jáne 4,0 myń sh.m. quraıtyn 67 páter satyp alynady, onyń ishinde paıdalanýǵa beriletin 419 páterdiń 215 páteri kópbalaly otbasylarǵa beriledi. Bul baǵytta 1-shi toqsannyń qorytyndysy boıynsha josparlanǵan 277 mln teńge tolyqtaı ıgerilgen.
Mańǵystaý oblysy ákimi orynbasarynyń aıtýynsha, Fort-Shevchenko qalasynda 48 páterge arnalǵan 2,874 myń sharshy metrdi quraıtyn turǵyn úı, Fort-Shevchenko qalasynda 16 páterge arnalǵan 0,962 myń sharshy metrdi quraıtyn turǵyn úı, Aqtaý qalasynda 19a shaǵynaýdanynda 144 páterge arnalǵan 7,847 myń sharshy metrdi quraıtyn turǵyn úı, Qaraqııa aýdany Jetybaı selosyndaǵy 144 páterge arnalǵan 7,8 myń sharshy metrdi quraıtyn turǵyn úı 2020 jyly aıaqtalady dep josparlanǵan.
Munaıly aýdany Batyr selosyndaǵy 80 páterge arnalǵan 6,1 myń sharshy metrdi quraıtyn turǵyn úıler qurylysy, Túpqaraǵan aýdany Fort-Shevchenko qalasynda 72 páterge arnalǵan 3,9 myń sharshy metrdi quraıtyn turǵyn úı qurylysy 2021 jylǵa ótpeli bolyp otyr.
