Oqý-jattyǵý Qazaqstan Qarýly Kúshteri Bas shtaby Geoaqparattyq qamtamasyz etý departamentiniń gıdrometeorologııalyq qamtamasyz etý basqarmasymen 2020 jylǵa arnalǵan TMD qatysýshy-memleketteri qorǵanys mınıstrler odaǵynyń jumys josparyna sáıkes ótkizildi.
Sonymen qatar, jattyǵý kezinde Qazaqstan Áýe qorǵanys kúshteri áskerı bóliminiń meteorologııalyq ortalyǵy jáne Nur-Sultan qalasy avıasııalyq bazasynyń meteorologııalyq qyzmeti qosymsha tartyldy.
Jattyǵýdyń maqsaty – qazaqstandyq áskerı meteorologtary men TMD elderiniń Qarýly Kúshteriniń meteorologııalyq qyzmetiniń jedel jáne boljamdy organdary arasyndaǵy jumystyń úılesimdiligin arttyrý, tabıǵı gıdrometeorologııalyq qubylystardyń aldyn-alý jáne eskertý boıynsha tıimdi ózara is-qımyl men ózara kómek kórsetýdi uıymdastyrý bolyp tabylady.
Ssenarıı boıynsha kezekshi ofıser-gıdrometeorolog qatysýshy- memleketterdi Qazaqstandaǵy tabıǵı gıdrometeorologııalyq qubylystardyń shartty túrde paıda bolýy týraly habardar etti. Sondaı-aq ol Armenııa, Belarýs, Qyrǵyzstan jáne Reseı qorǵanys mınıstrlikteriniń gıdrometeorologııalyq qyzmetterine eskertýler men habarlamalar joldady.
О́z kezeginde osyndaı eskertýlerdi joǵaryda atalǵan elderdiń meteoqyzmetterinen Qazaqstannyń qorǵanys vedomstvosyna da jiberildi.
Oqý-jattyǵý qorytyndysy boıynsha barlyq maqsattarǵa qol jetkizildi, gıdrometeorologııalyq aqparattarmen ýaqtyly almasý boıynsha mindetter tolyq kólemde oryndaldy.
