Birinshi kezekte qajetti degen azyq-túlik taýarlary toltyrylǵan sebetter az qamtylǵan kópbalaly januıalarǵa tabystaldy. Atalǵan kómekten 1-2 -3-toptaǵy múgedek jandar men qaraýshysy joq qarııalar da qalys qalǵan joq.
«Alty myńǵa jýyq januıaǵa qoldaý kórsettik. Onyń ishinde tórt myńǵa tarta betperde taratyldy. 900 adamǵa demeýshiler usynǵan jaqsylyq jáshikteri úlestirildi. 2000-ǵa jýyq muqtaj janǵa tıisti kómek «Jańa Alataý» qory arqyly berildi. Eriktiler qaýymy men ákimdik qyzmetkerleri tańnan keshke deıin qaıyrymdylyq sharasymen aınalysýda. Áleýmettik qyzmetkerlerimiz de erikti bolyp júr», – deıdi Bostandyq aýdany ákiminiń orynbasary Marjan Balbaeva.
