Roman Sklıar jáne Atyraý oblysynyń ákimi Mahambet Dosmuhambetov Qurmanǵazy aýdanyna bardy. Munda vıse–premer «Qurmanǵazy» ótkizý beketiniń jumysyn jáne respýblıkalyq mańyzy bar «Aqtóbe ‒ Atyraý ‒ RF shekarasy» avtojoly qurylysynyń barysyn tekserdi.
«Qurmanǵazy» avtomobıl ótkizý beketi 2004 jyly kópjaqty qarym-qatynas ornatý úshin ashyldy. Táýlik saıyn RF shekarasy arqyly eki jaqqa 4000-ǵa jýyq adam men 1200 kólik quraly ótedi.
Sondaı-aq Roman Sklıar men Mahambet Dosmuhambetov «Aqtóbe ‒ Atyraý ‒ RF shekarasy» avtomobıl jolynyń qaıta qurý ýchaskelerine bardy, olardyń árqaısysynda merdigerlik uıymdardyń basshylary turaqty jumys barysyn qamtamasyz etý jónindegi sharalar men aldaǵy kezeńge arnalǵan jumys josparlary týraly baıandady.
Joldyń jalpy uzyndyǵy 893 shaqyrymdy quraıdy. Onyń ishinde 545 shaqyrym jol Atyraý oblysynyń aýmaǵynan ótedi. «Nurly jol» memlekettik baǵdarlamasy aıasynda 432 km qaıta jańartylady (330-598 km Atyraý ‒ Aqtóbe, 616-893 km Atyraý ‒ Astrahan RF). Jol qurylysy jumystary eki baǵytta júrgizilýde.
Vıse-premer nysandardy tekserýdi qorytyndylaı kele, qurylysty ýaqytyly ári sapaly aıaqtaý boıynsha mindetter júktedi.
