Sharaına
Bireýdiń aýmaǵyna kirip nesi bar?
Hımııalyq qarý-jaraǵyn halyqaralyq baqylaýǵa alýǵa keliskennen keıin Sırııanyń tóńiregindegi daý-janjal birshama saıabyr tapqandaı bolyp edi, biraq ol jýyrda jańa qýatpen burq etti.
Túrkııanyń áskerı ushaǵy óz aýmaqtaryna kirip ketken-mis Sırııanyń Mı-17 tikushaǵyn zymyranmen atyp túsirdi. Túrik jaǵynyń málimetine qaraǵanda, tikushaq shekarashylardyń eskertýlerin elemeı, Túrkııa aýmaǵyna eki shaqyrymǵa deıin enip ketken. Biraq snarıad tıgen soń ol óz aýmaǵyna qulaǵan. Sırııa jaǵy bul tikushaq jolynan adasyp kirip ketkendigin aıtyp jaltarýda.
Bireýdiń aýmaǵyna kirip nesi bar?
Hımııalyq qarý-jaraǵyn halyqaralyq baqylaýǵa alýǵa keliskennen keıin Sırııanyń tóńiregindegi daý-janjal birshama saıabyr tapqandaı bolyp edi, biraq ol jýyrda jańa qýatpen burq etti.
Túrkııanyń áskerı ushaǵy óz aýmaqtaryna kirip ketken-mis Sırııanyń Mı-17 tikushaǵyn zymyranmen atyp túsirdi. Túrik jaǵynyń málimetine qaraǵanda, tikushaq shekarashylardyń eskertýlerin elemeı, Túrkııa aýmaǵyna eki shaqyrymǵa deıin enip ketken. Biraq snarıad tıgen soń ol óz aýmaǵyna qulaǵan. Sırııa jaǵy bul tikushaq jolynan adasyp kirip ketkendigin aıtyp jaltarýda.
Tikushaq apatqa ushyrady
Reseıdiń Tver oblysynda Nıjnıı Novgorodtan shyqqan segiz oryndyq Augusta 119 tikushaǵy 14 qyrkúıekte joǵalyp ketken edi. Keshe 28 tehnıka quraldarymen jabdyqtalǵan 160 adamdyq izdeý toby tikushaqtyń qańqasyn tapty.
Áıel adamnyń basqarýyndaǵy tikushaq Tver oblysynyń Starıskıı aýdanyna qulapty. Onyń ishindegi máıitterdiń arasynda «Rosleshoz» komıteti basqarmasynyń bastyǵy S.Medvedev bar. Tikushaqtyń qulaý sebepteri qazir anyqtalý ústinde. Apparattyń qańqalary men temir jáshikke ballıstıkalyq zertteý úshin tıisti oryndarǵa jetkizilgen.
Alyp keme «aıaǵynan» turǵyzyldy
Italııa jaǵalaýlarynda Costa Concordia krýızdik laıneri 2012 jyldyń qańtar aıynda apatqa ushyraǵan edi. Apat barysynda 32 adamnyń qaza bolǵandyǵy, 2 adamnyń joǵalyp ketkendigi týraly aıtylǵan. Keshe osy kemeni kóterý jumystarynyń alǵashqy kezeńi aıaqtalǵany jarııalandy.
Sóıtip, sý syıymdylyǵy 114 myń tonna bolatyn alyp keme jasandy tuǵyrǵa qondyryldy. Buryn-sońdy mundaı alyp kemeni sý túbinen kóterý jumystary Italııada bolmaǵan eken. Sondyqtan da bul oqıǵaǵa degen eldiń qyzyǵýshylyǵy sheksiz. Bir kezdegi Reseıdiń «Kýrsk» atty atom súńgýir qaıyǵyn sýdan kótergendegi sııaqty ıtalııalyqtar da óz kemesin kóterý barysyn barlyq BAQ-tarda jarysa jarııalaýda.
Tizgindi sheneýnikterge berýge qarsy
Reseı Parlamentinde Ǵylym akademııasy týraly jańa zań jobasyn qabyldaý úlken shý týdyryp tur. Akademıkter ǵylymı-zertteý ınstıtýttary bıýrokrat sheneýnikterdiń basqarýyna túsip ketip, zertteý jumystary doǵarylatynyna alańdaýshylyq bildirýde.
Ázirge zań jobasy ekinshi oqylymǵa qaıtaryldy. Biraq ol akademıkterdiń alańdaýshylyǵyn basa alǵan joq. Zań jobasy talqylanyp jatqanda 150-ge jýyq ǵalym Memdýmanyń janyna kelip, pıket jasady. Jaýyn sirkirep turǵandyqtan, keıbir depýtattar olardy ishke engizý týraly usynys jasaǵanymen, kópshilik daýyspen ol ótpeı qaldy.
Armany joq adam da bolady
Ataǵy jer júzine jaıylǵan japonnyń Toıota korporasııasy óziniń kóp jylǵy basshysynan aıyrylyp qaldy. Júz jastyń qyrqasyna shyqqan Eıdzı Toeda keshe júrek talmasynan qaıtys boldy.
Eıdzı Toeda avtokonserndi qurýshy Kııtıro Toedanyń nemere inisi bolatyn. Ol kompanııaǵa jumys isteýge 1936 jyly kelgen. Al 1967 jyldan 1982 jylǵa deıin 15 jyl boıy onyń prezıdenti boldy. Sodan soń 1982 jyldan 1994 jylǵa deıin dırektorlar keńesiniń tóraǵasy bolǵan. E.Toedanyń basqarýynda Toıota kompanııasy álemniń barlyq túkpirlerine deıin qol jetkizip, óz ónimderin tarata bildi. Sonymen birge, bul ónimniń sapasy álem boıynsha birneshe ret úzdik dep tanylǵan.
Tynysh eldi dúrliktirgen oqıǵa
Avstrııada ot qarýymen jaraqtanǵan brakoner eki polısııa qyzmetkerin jáne jedel járdem kóliginiń júrgizýshisin óltirip, bir adamdy kepildikke aldy. Oqıǵa Vena qalasynan 100 shaqyrym jerdegi Annaberg eldi mekeni
niń janynda bolǵan.
55 jasar brakonerdi polısııa kópten beri ańdyp júrgen eken. О́tken túni mashınamen kele jatqan ony polısııa tutqyndaý úshin toqtatpaq bolǵan. Biraq brakoner polısııadan qashyp, onymen atysqan. Aýdarylǵan mashınasyn tastap ketip, ormanǵa kirip, atysty jalǵastyrǵan. Eki polısııa men júrgizýshi oqqa ushqan. Aqyrynda bir adamdy kepildikke alǵan qylmysker óziniń fermasyna tyǵylyp, atysty jalǵastyrýda. Osy saǵattarda ol áli berilgen joq.
Qysqa qaıyryp aıtqanda:
*Moldovanyń Keden odaǵyna enýden bas tartýyna baılanysty Reseı túrli ekonomıkalyq qysymdar kórsetýde. О́tken aptada ol moldovalyq sharaptardy engizýden bas tartsa, endi eńbek mıgranttaryn shekteýdi qolǵa alyp otyr.
*Bangladeshtiń joǵarǵy soty Abdýlla Kaderdi áskerı qylmystary úshin ólim jazasyna kesti. 65 jastaǵy molla bul jazaǵa 1971 jyly Bangladeshtiń Pákstannan bólinýi kezinde jasaǵan qylmystary úshin kesilip otyr.
*Ispanııada Marokkomen shekaralas Seýt qalasynda «Ál-Kaıda» uıymy jetekshileriniń biri Ahmed Iаsın ustaldy. Ol Sırııadaǵy soǵysqa jıhadshylar jınaýmen aınalysyp júr eken. Osyǵan deıin ol Sırııaǵa 50 jıhadshyny attandyryp jiberipti.
Japon soty 2011 jylǵy sýnamı kezinde adasyp qalǵan balalar úshin ata-analaryna 1,8 mln. dollar kóleminde aıyppul tóleýdi balabaqshanyń moınyna salyp qoıdy. Sottyń sheshimi boıynsha, qandaı jaǵdaı bolsa da balabaqsha sábılerdi qutqarýǵa tıisti eken.
*Ústimizdegi jyldyń 6 qarashasynda Tájikstanda kezekti prezıdenttik saılaý bolady. Keshe kandıdat retinde tájiktiń aýyl sharýashylyǵy akademııasynyń vıse-prezıdenti B.Buharıevtiń kandıdatýrasy da usynyldy.
Internet materıaldary negizinde ázirlendi.
