2013 jylǵy 30 sáýir, Astana, Úkimet Úıi
«Qazaqstan Respýblıkasy Eńbek jáne halyqty áleýmettik qorǵaý mınıstrliginiń 2011 – 2015 jyldarǵa arnalǵan strategııalyq josparyn bekitý týraly» Qazaqstan Respýblıkasy Úkimetiniń 2010 jylǵy 31 jeltoqsandaǵy № 1507 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Qazaqstan Respýblıkasy Eńbek jáne halyqty áleýmettik qorǵaý mınıstrliginiń 2011 – 2015 jyldarǵa arnalǵan strategııalyq josparyn bekitý týraly» Qazaqstan Respýblıkasy Úkimetiniń 2010 jylǵy 31 jeltoqsandaǵy № 1507 qaýlysyna (Qazaqstan Respýblıkasynyń PÚAJ-y, 2011 j., № 10-11, 143-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Qazaqstan Respýblıkasy Eńbek jáne halyqty áleýmettik qorǵaý mınıstrliginiń 2011 – 2015 jyldarǵa arnalǵan strategııalyq josparynda:
«Mıssııa jáne paıymdaý» degen 1-bólimde:
«Paıymdaýda» tórtinshi bóligi mynadaı redaksııada jazylsyn:
«Osyǵan oraı, mınıstrliktiń aldaǵy ýaqyttaǵy jumysynyń negizgi baǵyttary mynalar bolady:
1) eńbek resýrstarynyń ósýine járdemdesý;
2) jumyspen nátıjeli qamtýǵa járdemdesý;
3) halyqtyń kóshi-qony salasynda memlekettik saıasatty iske asyrý;
4) azamattardyń eńbek quqyqtarynyń iske asyrylýyn qamtamasyz etý;
5) halyqtyń ál-aýqatynyń artýyna járdemdesý;
6) halyqtyń áleýmettik osal toptaryn áleýmettik qoldaýdyń tıimdi júıesin qalyptastyrý.»;
«Aǵymdaǵy ahýaldy taldaý jáne qyzmettiń tıisti salalarynyń (aıalarynyń) damý úrdisteri» degen 2-bólimde:
«Eńbek resýrstarynyń ósýine járdemdesý» degen 1-strategııalyq baǵytta:
«Negizgi problemalardy taldaýda»:
3-tarmaq alynyp tastalsyn;
«Jumyspen nátıjeli qamtýǵa járdemdesý» degen 2-strategııalyq baǵytta:
«Salany damytýdyń negizgi parametrlerinde» «Eńbek naryǵy jáne jumyspen qamtýda» tórtinshi jáne besinshi bólikter alynyp tastalsyn;
«Negizgi problemalardy taldaýda» 4) tarmaqshanyń ekinshi bóligi alynyp tastalsyn;
«Negizgi syrtqy jáne ishki faktorlardy baǵalaýda» tórtinshi bólik alynyp tastalsyn;
mynadaı mazmundaǵy 2-1-strategııalyq baǵytpen tolyqtyrylsyn:
«2.1. Halyqtyń kóshi-qony salasyndaǵy memlekettik saıasatty iske asyrý
Halyqaralyq kóshi-qon uıymynyń baǵalaýy boıynsha Qazaqstan kóshi-kon prosesteri erekshe kúshti baıqalatyn elderdiń qataryna jatady. Qazaqstanda kóshi-qon prosesteriniń aýqymy, olardyń Qazaqstandaǵy áleýmettik-ekonomıkalyq jaǵdaıǵa áser etetin bolady.
Halyq sany jáne atap aıtqanda, kóshi-qonnyń áleýmettik-ekonomıkalyq problemalary barlyq joǵary damyǵan memleketterdiń negizgi máseleleriniń qatarynda tur. Qazirgi kezeńde AQSh, Kanada, Avstralııa sııaqty elderi men birqatar Eýropa memleketteri kelip jatqan shetel azamattaryna qatysty erekshe selektıvti kóshi-qon saıasatyn júrgizedi. Sonymen qatar, birqatar elder, birinshi kezekte, Germanııa, Izraıl jáne Polsha ulttyq uqsastyqtary men óz memleketteriniń ereksheligin saqtaý maqsatynda ózgeshe etno-tarıhı kóshi-qon saıasatyn júrgizedi.
Salany damytýdyń negizgi ólshemderi
Qazirgi kezde respýblıkada kóshi-qon jaǵdaıy bylaısha sıpattalady:
1) ishki ıntensıvti kóshi-qon. Qazaqstanda sońǵy jyldar ishinde óńiraralyq kóshi-qon jáne kóshi-qon aǵyndary baǵyttarynyń joǵary kórsetkishteri saqtalýda. 2006 jyldan bastap 2011 jylǵa deıin óńiraralyq kóshi-qon prosesterine 1,5 mln. astam adam tartyldy. Halyqty aýyldyq eldi mekenderden ómir súrý deńgeıi neǵurlym joǵary jáne ınfraqurylymy damyǵan óńirlerge, ekologııalyq qolaısyz óńirlerden ekologııalyq ortasy jaqsy óńirlerge kóshirý onyń quramdas bóligi bolyp tabylady.
2012 jyldyń statıstıkalyq málimetteri respýblıka ishinde myna oblystarda halyqtyń neǵurlym kóp kóshi-qon aǵynyn kórsetedi: Ońtústik Qazaqstan oblysynda kóshi-qon saldosy 11103 adamǵa, Jambyl (- 7573), Shyǵys Qazaqstan (- 5186), Soltústik Qazaqstan (- 3041 adam), Qyzylorda (- 1728 adam) azaıǵan. Astana (19529 adam), Almaty qalalary (9963), Almaty oblysy (5477 adam) jáne Mańǵystaý oblysy (2516 adam) halyqtyń kelý aǵynynyń negizgi óńirleri bolyp tabylady. Ishki kóshi-qonnyń negizgi bóligi - eńbekke qabiletti jastaǵy halyq (81,8 % 16 jastan 62 (57) jasqa deıin).
2) sheteldik jumys kúshi sanynyń azaıýy. Ishki eńbek naryǵyn qorǵaý maqsatynda Qazaqstan Respýblıkasynyń Úkimeti 2012 jyly 90 myń birlik nemese respýblıkanyń ekonomıkalyq belsendi halqyna 1 % mólsherde sheteldik jumys kúshin tartýǵa kvota belgiledi.
2012 jyly kvota sheńberinde 2792 jumys berýshi 22 myń shetel
