Jazdyń aptap ystyǵynda, qystyń syqyrlaǵan aıazynda qýyqtaı úıdi panalap júrgen jalpaqtaldyq Gúlshat Nuǵmanovanyń jaǵdaıyn kórgen jergilikti jýrnalıster osydan eki aı buryn «Asar» qaıyrymdylyq estafetasyn bastaǵan edi. Jalǵyzbasty anaǵa kómek qolyn sozǵan qaıyrymdy jandar az bolǵan joq. «Hareket» qaıyrymdylyq qory da tys qalmaı, 700 myń teńge aýdardy. Osylaısha qasıetti Ramazan aıynda qos múgedek ulyn baǵyp otyrǵan jalǵyzbasty ana 3 bólmeli úıge qol jetkizdi.
- Biz Gúlshat apaıǵa aldyn ala eshteńe aıtpaǵan edik. Tosynsyı boldy. Ana men balalarynyń qýanyshynda shek joq. Buryn qabyrǵasy qulaǵan, shaǵyn qujyrany panalap otyrǵan otbasy jaınaǵan jańa úıge kirgende kóz jasyna ıe bola almady, - deıdi Juldyz.
Asar qaıyrymdylyq estafetasyna barlyǵy 1 314 707 teńge túsken eken. Bul qarjyǵa úımen qatar, sý jańa gaz plıtasy, tońazytqysh, asúı jıhazy, kilem, teledıdar, kıim iletin shkaf alynǵan. Qaıyrymdylyq sharasyna Jalpaqtal aýylynyń 1990, 1991, 1992, 1996 jyly týǵan azamattarynyń úlesi zor bolypty. Osy bastamaǵa muryndyq bolǵan Qaztalov aýdandyq gazetiniń redaktory Qaırat Jaqyp «Hareket» qaıyrymdylyq qorynyń oblystaǵy ókili Demejan Meńdeshovke alǵyshat tabys etti. Baspanaly bolǵan Gúlshat apaı ózine járdem bergen barsha azamattarǵa alǵys aıtty.
Batys Qazaqstan
