Murat Jolkeldiuly 1963 jyly dúnıege kelgen. 1985 jyly Jambyl gıdromelıoratıvtik qurylys ınstıtýtyn ınjener-qurylysshy, 2004 jyly Qorqyt Ata atyndaǵy Qyzylorda memlekettik ýnıversıtetin ekonomıka mamandyqtary boıynsha bitirgen.
Eńbek jolyn 1985 jyly «Qyzylordaqurylys» trestiniń jumysshysy retinde bastaǵan.
1988-1993 jyldary - Qyzylorda qalalyq «Qyzylordaqurylys» tresti LKSM komıtetiniń hatshysy, trestke qarasty «Maqsat» shaǵyn kásipornynyń ınjener jabdyqtaýshysy, 1993-1995 jyldary «Aıbek» shaǵyn kásipornynyń dırektory, 1997-1999 jyldary - Aqmarjan» AQ fılıalynyń «Realbazasy» dırektory, 1999-2010 jyldary - «Jabdyqtaý» JShS bas dırektory bolǵan.
2010-2013 jyldary - Ońtústik óńiraralyq memlekettik múlik jáne jekeshelendirý departamentiniń Qyzylorda oblysy boıynsha fılıalynyń bas mamany, 2013 - 2015 jyldary Qyzylorda qalasy ákiminiń orynbasary, 2015-2017 jyldary - Qyzylorda oblysynyń qurylys, sáýlet jáne qala qurylysy jáne memlekettik sáýlet-qurylys baqylaý basqarmalarynyń basshysy qyzmetterin atqarǵan.
2019 jyldan osy kezge deıin Qylylorda oblysynyń jolaýshylar kóligi jáne avtomobıl joldary basqarmasy basshysynyń orynbasary qyzmetin atqaryp keldi.
