Karantın kezinde jastardy ýaqytyn tıimdi paıdalanýǵa shaqyryp, rýhanı-mádenı sharalardy kóptep uıymdastyrýǵa tyrysyp jatyrmyz. Aımaq ónerpazdarymen onlaın konsertter ótkizý josparlanǵan. Elimizdiń namysyn halyqaralyq sahnalarda qorǵap júrgen, «Golos. Detı 2019» baıqaýynyń fınalısi, «Junior Eurovision-2019» baıqaýynyń júldegeri, Aqjaıyq óńiriniń maqtanyshy Erjan Maksım 12 sáýir kúni onlaın-konsert berip, batysqazaqstandyqtardy bir qýantty.
Mádenı sharalarmen qatar, biliktilikti arttyrý kýrstary da basty nazarda. Oblystyń tájirıbeli mamandary keńesterimen bólisti. Sonymen birge oblys jastaryna memlekettik baǵdarlamalar týraly keńes berý uıymdastyryldy. Áleýmettik jelide jastardyń suraqtaryna jaýap berip, memlekettik baǵdarlamalar týraly keńinen aıtyldy. Atap aıtar bolsaq, jastar tájirıbesi, kásipkerlik baǵdarlamalary týraly túsindirip, turǵyn úıge qol jetkizý múmkindikteri, «Serpin» baǵdarlamasymen oqýǵa túsý men «Dıplommen – aýylǵa!» baǵdarlamasynyń múmkindikteri týraly egjeı-tegjeıli aqparat berildi.
Kúni keshe Aqjaıyq jastary úshin Ramazan aıynyń mańyzdylyǵy men ereksheligi týraly Ortalyq meshittiń jastar isi sektorynyń jetekshisi Dúısenáli Beıimbet myrzamen suhbat ótti.
Jastar túrli konkýrstar men marafondarǵa da belsendi aralasýda. Hakim Abaıdyń 175 jyldyǵyna arnalǵan, uly aqynnyń ánderin oryndaýdan, shyǵarmalaryn (poema, óleń, qara sóz) jatqa oqýdan, aqynǵa arnalǵan óleńder boıynsha músháıra ótip jatyr. Qatysýshylar óz jumystaryn áleýmettik jelige júktep, oqyrmandardyń tańdaýymen úzdikter anyqtalmaq. «Úıde birge oqımyz!» atty kitap oqý marafony júrip jatyr.
Jastardyń oqý mádenıetin arttyrý, otandyq jáne zamanaýı avtorlardy dáripteý maqsatynda ótip jatqan marafonǵa qatysýshy kúnine keminde 1 saǵat kez kelgen taqyryptaǵy úzdik kitaptar tizimine engen týyndyny oqýy tıis. Belsendi qatysýshylar eleýsiz qalmaıdy. Olarǵa daıyndalǵan arnaıy syılyqtarymyz bar. Al keshe Aqjaıyq jastary mýzeı «aralady». Tehnologııa múmkindikterin paıdalanyp Almaty oblysyndaǵy «Esik» tarıhı-mádenı qoryq-murajaıyna onlaın ekspedısııa uıymdastyrdyq. Jastar «Altyn adamdy» kórýge múmkindik aldy.
Odan bólek, aımaq psıhologtary da jastardyń psıhologııalyq kóńil kúıin birqalypty ustaý maqsatynda túrli trenıngter ótkizedi. «Jas otbasy» klýby ár seısenbi, beısenbi kúnderi onlaın-konsýltasııa ótkizip, jastardy mazalaǵan máselelerdiń sheshimin tabýǵa járdemdesedi.
Jastar – elimizdiń bolashaǵy ekenin aıtyp júrmiz. El erteńi jarqyn bolýy úshin jastarymyz bilimdi, sanaly bolýy kerek. Oblystyq jastar resýrstyq ortalyǵynyń da basty mindeti – jastardy sapaly ómirge, bilimge shaqyrý.
Meıirbek NURKEN,
Batys Qazaqstan oblystyq Jastar saıasaty máseleleri basqarmasy Jastarmen jumys jónindegi resýrstyq ortalyǵynyń basshysy
