Memleket basshysynyń tapsyrmasyn oryndaý aıasynda tótenshe jaǵdaı rejımin qamtamasyz etý jónindegi memlekettik komıssııa Densaýlyq saqtaý mınıstrliginiń ustanymyn eskere otyryp, 4 mamyrdan bastap Nur-Sultan jáne Almaty qalalarynan Qyzylordaǵa, О́skemenge, Semeıge jáne Petropavlǵa áýe qatynastaryn qaıta jandandyrý týraly sheshim qabyldady.
Áýe kompanııalary reısterdi kelesi kestege sáıkes oryndaýdy josparlap otyr:
«Eır Astana»
Almaty (13:55) – Qyzylorda (14:40), Qyzylorda (15:40) – Almaty (18:10), Almaty (12:10) – Qyzylorda (13:40), Qyzylorda (14:40) – Almaty (17: 10). Aptasyna 7 reıs.
Almaty (12:15) – О́skemen (13: 45), О́skemen (14:45) – Almaty (16:20). Aptasyna 5 reıs.
Nur-Sultan (14:50) – О́skemen (16:15), О́skemen (17:15) – Nur-Sultan (18:45), Nur-Sultan (15:10) – О́skemen (16:35), О́skemen (17:35) – Nur-Sultan (19:00), Nur-Sultan (15:20) – О́skemen (16:45), О́skemen (17:45) – Nur-Sultan (19:10). Aptasyna 5 reıs.
«SCAT»
Nur-Sultan (15:40) – О́skemen (17:10), О́skemen (18:10) – Nur-Sultan (19:35), Nur-Sultan (15:50) – О́skemen (17:10), О́skemen (22:30) – Nur-Sultan (23:59). Aptasyna 7 reıs.
Almaty (09: 20) – О́skemen (10:30), О́skemen (11:30) – Almaty (12:45). Aptasyna 7 reıs.
Almaty (07:00) – Petropavl (09:20), Petropavl (10:10) – Almaty (12:20), Almaty (07:00) – Petropavl (09:20), Petropavl (16:30) – Almaty (18:50). Aptasyna 3 reıs.
«Qazaq Air»
Nur-Sultan – 13: 40) – О́skemen (15:20), О́skemen (16:00) – Nur-Sultan (17:45). Aptasyna 3 reıs.
Nur-Sultan (08:30) – Petropavl (09: 40), Petropavl (10:10)-Nur-Sultan (11:25), Nur – Sultan (10:05) – Petropavl (11:15), Petropavl (11:55)-Nur-Sultan (13:05). Aptasyna 2 reıs.
Nur-Sultan (14: 30) – Qyzylorda (15:20), Qyzylorda (16:00) – Nur-Sultan (18:50), Nur-Sultan (15:30) – Qyzylorda (16:20), Qyzylorda (17:00) – Nur-Sultan (19: 50). Aptasyna 3 reıs.
Nur-Sultan (15: 00) – Semeı (16: 35), Semeı (17:05) – Nur-Sultan (18:40). Aptasyna 3 reıs.
* Ushý kestesin áýe kompanııalary retteı alady
Ushýlar Densaýlyq saqtaý mınıstrliginiń Kóliktegi bas sanıtarlyq dárigeri bekitken sanıtarlyq talaptardyń kúsheıtilgen normalaryn saqtaı otyryp, júzege asyrylady. Olardyń negizgileri mynalar:
➖ jolaýshylarda COVID-19 testinen ótkeni jáne onyń nátıjesi teris bolǵany týraly anyqtama bolýy qajet (anyqtamanyń qoldanylý merzimi - berilgen kúnnen bastap 7 kún);
➖ jeke qorǵanys quraldaryn paıdalaný (betperdeler, qolǵaptar);
➖ termometrııa, áleýmettik qashyqtyq saqtaý;
➖ áýejaılar men áýe kemelerin kúsheıtilgen negizde zalalsyzdandyrý.
Sanıtarlyq qaýipsizdik talaptary boıynsha atalǵan reısterde bortta tamaq berilmeıdi.
Qazaqstan áýe kompanııalary kúrdeli jaǵdaıdy eskere otyryp, bıletter qunyn satyp alý kúni men ýaqytyna baılanysty 10 myńnan 30 myń teńgege deıingi aralyqta belgiledi.
Aldaǵy ýaqytta jaǵdaı jaqsarǵan kezde ishki reıster sanyn jáne áýe kemeleriniń syıymdylyǵyn arttyrý máselesi qarastyrylady.
DSM aqparaty boıynsha koronavırýstyq ınfeksııaǵa testter aqyly negizde osy baǵyttar boıynsha ushatyn azamattardyń qarajaty esebinen júzege asyrylady. Olardy «Ulttyq saraptama ortalyǵy» ShJQ RMK fılıaldarynda, «Olımp» KDZ-da jáne Qazaqstannyń tıisti qalalaryndaǵy «INVIVO» zerthanalarynda ótkizýge bolady.
