Tótenshe jaǵdaı rejımin qamtamasyz etý jónindegi óńirlik jedel shtabtyń habarlaýynsha, bulardyń bári – naýqaspen jaqyn qarym-qatynasta bolǵandar men baılanys jasaǵandar. Osy kenishte indetke shaldyqqan alǵashqy jumysshy anyqtalǵan soń, 16 sáýirde Teńiz kenishinen shuǵyl emes personaldardy shyǵarý bastalǵan edi. Kenishten 17 000-nan astam jumysshyny shyǵarý josparlanyp otyr.
– Olardyń arasynda Atyraý oblysynyń 6 000-nan astam turǵyny, Aqtóbe jáne Batys Qazaqstan oblystarynan 2 000-nan astam, al, Mańǵystaý oblysynyń 600-den asa turǵyny bar. Qalǵan qyzmetkerler Qazaqstannyń ózge de óńirlerinen kelgen mamandar, - dep habarlady jedel shtab.
Qazir ken orynan 10 myńnan astam jumysshy shyǵaryldy. Onyń ishinde 4 myńǵa jýyq jumysshy áýe jolymen, 3 myńǵa jýyǵy temir jol qatynasymen, 3 myńnan astamy avtobýs kóligimen tasymaldandy. О́zge jumysshylardy shyǵarý 5 mamyrda aıaqtalady dep kútilýde.
Osy kezge deıin Teńiz kenishindegi jumysshylar arasynda qaýipti indetti juqtyrǵandar sany 71 adamǵa jetip otyr. Olardyń on ekisi jazylyp shyqty. Naýqastarmen baılanysta bolǵan 1,5 myńnan astam jumysshy anyqtaldy. Onyń ishinde 847 adam jaqyn qarym-qatynasta bolsa, 718 adam baılanys jasaǵan eken.
