О́kinishke qaraı, oblystyq jer qatynastary boıynsha sybaılas jemqorlyq táýekelin saraptaǵan jumystyń nátıjesi kóńil kónshitpeı tur. Iаǵnı, bul salada turǵyndarǵa qajetti birqatar aqparattar áli de kómeski eken. Ásirese, aýmaqtaǵy bos jatqan jer telimderi týraly habarlamalar men aqparatqa qoljetimdilikte shekteý bary anyqtaldy. Sondaı-aq, jer telimderin paıdalanýǵa berý rásimderiniń jáne jer komıssııalary jumysynyń ashyqtyǵy saqtalmaı otyr. Al kórsetkishter tutas sybaılas jemqorlyqtyń týyndaýyna yqpal etetin negizgi faktorǵa aınalýda.
- Jalpy, jer qatynastary salasy tek bizdiń oblysta ǵana emes, elimiz boıynsha da sybaılas jemqorlyq táýekelderine neǵurlym beıim salalardyń biri ekeni jasyryn emes. Mysaly, 2019 jyly «Transparensı Qazaqstan» uıymy júrgizilgen áleýmettik zertteý nátıjeleri boıynsha jer ýchaskesin alý, resimdeý sybaılas jemqorlyqqa jol ashatyn 5 negizgi sebeptiń biri retinde ataldy О́kinishke qaraı, jer máseleleri boıynsha sybaılas jemqorlyqqa qarsy antıreıtıngte Almaty oblysy aldyńǵy orynǵa shyqqan bolatyn. Qazir biz bul baǵyttaǵy jumysty kúsheıttik. Mundaǵy maqsat, jer qatynastaryna qatysty barlyq aqparattardy ashyq ári qol jetimdi bolýdy qalyptastyra otyryp, jemqorlyqtyń tamyryna balta shabý bolyp otyr, - deıdi Sybaılas jemqorlyqqa qarsy is-qımyl agenttiginiń Almaty oblysy boıynsha departamenti basshysynyń birinshi orynbasary Jandos Jumabaev.
Quzyrly organnyń málimetinshe, jer qatynastary salasyndaǵy jemqorlyqpen kúres jyl ótken saıyn kúsheıip, para alýǵa nıetti sheneýnikterdiń bir tobynyń qolyna kisen salynypty. Mysalǵa, 2018 jyly Almaty oblysy boıynsha Sybaılas jemqorlyqqa qarsy qyzmeti osy saladaǵy 29 quqyq buzýshylyqty tirkegen. Onyń ishinde para alǵan 6 sheneýinik ustalyp, jazalanypty. Ustalǵandardyń beseýi memlekettik qyzmette birinish basshy bolyp jumys istegen. Al byltyr osy mazmundaǵy 7 qylmys anyqtalǵan eken. Qylmysy dáleldengen jyly 5 adam sottaldy.
О́kinishke qaraı, jyl basynan beri oblystyń jer qatynastary salasynda jemqorlyq táýekeli óskeni anyqtaldy. Agenttik qyzmetkerleri bul baǵytta11 qylmystyq quqyq buzýshylyqty tirkegen. Onyń toǵyzy boıynsha syıbaılas jemqorlyqqa qatysty aıyp taǵylǵan eken.
