78 jastaǵy Shotlandııanyń Glazgo qalasynyń týmasy 1974 jyly bapkerliktiń qamytyn kıip, óz elindegi birqatar klýbtardy jattyqtyrdy. Bir jyldan asa ýaqyt Shotlandııanyń ulttyq quramasyn baptady. Sekseninshi jyldardyń bel ortasynda «Manchester Iýnaıtedtiń» tizginin ustaǵannan keıin onyń ataǵy tórtkúl dúnıege málim boldy.
Shırek ǵasyrdan asa «Manchester Iýnaıtedke» jetekshilik etken Fergıýson kóptegen orasan zor tabystarǵa qol jetkizdi. Sol eren eńbegi úshin ol 1999 jyly Elızaveta II hanshaıymnyń qolynan rysar ataǵyn alsa, 2002 jyly aıtýly azmattyń esimi Anglııa fýtbol dańqy zalyna engizildi.
Sondaı-aq álemdegi eń úzdik «TOP-10» bapkerlerdiń qataryna Rınýs Mıhels, Iohan Kroıff, Bıll Shenklı, Pep Gvardıola, Arrıgo Sakkı, Mett Basbı, Elenıo Errera, Ernst Happel jáne Valerıı Lobanovskıı syndy maıtalman mamandar endi.
