Biz buǵan deıin norvegııalyq Magnýs Karlsen reseılik Iаn Nepomnıashııden, al ırandyq Álıreza Fırýdja nıderlandtyq Anısh Gırıden basym túskeni jaıynda jazǵan edik. Kóp keshikpeı taǵy eki kezdesý ótti. Amerıkalyq Hıkarý Nakamýra men qytaılyq Lıjen Dın arasynda ótken asa shıelenisti báseke taı-breıkke deıin jetti. Nátıjesinde bul tartys 3:2 esebimen Nakamýranyń paıdasyna sheshildi. AQSh-tyń taǵy bir ókili Fabıano Karýana fransııalyq Maksım Vashe-Lagravtan aılasyn asyrdy. Esep – 2,5:1,5.
Joǵarydaǵy jeńisterinen keıin AQSh-tyń qos sańlaǵy – Nakamýra men Karýana osy kúnge deıin jeke-dara kósh bastap kelgen álem chempıony Karlsendi qýyp jetti. Olardyń árqaısy 13 upaıdan enshileýde. Sol sańlaqtardy Dın ókshelep keledi. Qytaıdyń ókili 12 upaıdy oljalaýda. Odan keıingi oryndarda Nepomnıashıı men Fırýjada – 6, Vashe-Lagravta – 5 jáne Gırıde – 4 upaıdan bar.
