Mınıstrdiń buıryǵymen «О́rtte kórsetken qaısarlyǵy úshin» medalimen Qyzylordadan 3 polısııa qyzmetkeri marapattalyp otyr.
Sáýir aıynyń alǵashqy kúni qyzmet barysynda júrgen qalalyq polısııa basqarmasy krımınaldyq polısııa bóliminiń qyzmetkerleri oblys ortalyǵyndaǵy úılerdiń birinen terezeden balalardyń betterin tumshalap alyp, dalaǵa qarap turǵandaryn baıqap qalady. Polısııa kapıtany Álimjan Álimbetov pen polısııa aǵa leıtenanty Beıbarys Qalymbetov órtke orana bastaǵan úıden 4 balany syrtqa alyp shyǵady. Balalardy kórshi úıdiń ıesine tapsyryp, jalyndy sóndiredi.
Al ekinshi oqıǵa 19 sáýir kúni oryn aldy. Qalalyq polısııa basqarmasy jedel basqarý ortalyǵynyń ınspektory polısııa leıtenanty Nurlan Qarlybaev jáne QR IIM-niń №5547 Ulttyq Ulan sarbazdary qatardaǵy Kırıll Losıskıı men Nııaz Dáýlet qyzmet atqarý barysynda Táýelsizdik dańǵylyndaǵy kópqabatty turǵyn úıdiń 2 qabatyndaǵy balkonnan qalyń tútindi baıqaıdy. Olar shuǵyl qyzmetke habarlap, kómek jetkenshe dereý páterge kirip, turǵyndardy qaýipsiz jerge shyǵarady. Polısııa qyzmetkerleri men sarbazdardyń jedel sheshim qabyldaýynyń arqasynda órt saldarynan zardap shekkender bolǵan joq.
Mınıstr Erlan Turǵymbaev IIM qyzmetkerleriniń tótenshe jaǵdaı kezinde quqyqtyq tártipti qamtamasyz etýdegi eńbegin Memleket basshysy joǵary baǵalaǵanyn, karantındik is-sharalarǵa atsalysqan barlyq qyzmetkerler men áskerı qyzmetshilerge laýazymdyq jalaqy mólsherinde syıaqy berilgenin atap ótti.
