Vırtýaldy zerthananyń negizgi mindeti - bilim berý úrdisine erekshe bilimdi qajet etetin adamdardy qosý boıynsha aldyńǵy qatarly teorııalyq jáne praktıkalyq tájirıbeni usyný jáne taratý. Vırtýaldy zerthana aıasynda «Qazaqstandaǵy ınklıýzıvti bilim berý: damý evolıýsııasy men bolashaǵy» taqyrybynda alǵashqy vebınar ótkizildi, negizgi spıkeri JShS «ÁBEO» ortalyǵynyń bas dırektory Roza Súleımenova boldy.
Vebınarǵa QR Bilim jáne ǵylym vıse-mınıstri Bıbigúl Asylova, QR Bala quqyqtary jónindegi ýákil Arýjan Saın, JOO oqytýshylary, oblystyq jáne aýdandyq bilim bólimderiniń ókilderi, mektepke deıingi, mektep, tehnıkalyq jáne kásiptik bilim berý uıymdarynyń ákimshiligi men muǵalimderi qatysty.
Qazaqstan Respýblıkasyndaǵy Bala quqyqtary jónindegi ýákil Arýjan Saın vebınarǵa qatysýshylardy jalpy bilim berý úrdisinde erekshe bilim berý qajettilikteri bar balalardy qosýdyń Sıngapýr tájirıbesimen qysqasha tanystyrdy jáne barlyq múddeli tulǵalardy syndarly jumysqa shaqyrdy.
Vıse-mınıstr Bıbigúl Asylova Qazaqstandaǵy arnaıy jáne ınklıýzıvti bilimniń jaı-kúıine egjeı-tegjeıli taldaý júrgizdi, ınklıýzıvti bilim berý salasyndaǵy máselelerge tolyq sholý jasady jáne osy júıeniń eldegi damýynyń strategııalyq baǵyttaryn atady.
Túzetý pedagogıkasy boıynsha respýblıkamyzdaǵy alǵashqy doktor, «Kemtar balalardy áleýmettik jáne medısınalyq-pedagogıkalyq túzeý arqyly qoldaý týraly» QR Zańyn ázirleý jónindegi jumys tobynyń bastamashysy jáne jetekshisi, olıgofrenopedagogıka kafedrasynyń alǵashqy meńgerýshisi spıker Roza Súleımenovanyń baıandamasy barlyq qatysýshylar arasynda úlken qyzyǵýshylyq týdyrdy jáne tolyq talqylaýǵa bastaý boldy.
Inklıýzıvti bilim berý vırtýaldy zerthanasynyń kelesi vebınarlary 2020 jyldyń 4-6 mamyry kúnderi ótkizilmek.
2020 jylǵy 4 mamyrda «JOO-da erekshe bilim qajettilikteri bar stýdenttermen oqý úrdisin uıymdastyrý» taqyrynda vebınar ótkizý josparlanyp otyr. Spıkeri: Qazaqstan joǵary oqý oryndarynda ınklıýzıvti bilim berýdiń Resýrstyq keńes berý ortalyǵynyń dırektory, Abaı atyndaǵy QazUPÝ professory Zýlfııa Movkebaeva.
2020 jylǵy 6 mamyrda, saǵat 15.00-de «Jalpy bilim berý keńistigine erekshe bilim qajettiliktteri bar balalardy engizý sharttary» vebınary ótedi. Spıker: «Túzetý pedagogıkasynyń ulttyq ǵylymı-praktıkalyq ortalyǵy» MM dırektory, dosent Ǵalııa Abaeva.
ALMATY
