Búgin anyqtalǵan birinshi naýqas – Taraz qalasynyń turǵyny. Ol bir kún buryn dene qyzýynyń joǵarylaýyna jáne tamaǵynyń aýyrýyna qatysty shaǵymdanǵan. Tarazdyq turǵynnan alynǵan zerthanalyq zertteýler onyń koronavırýs indetin juqtyrǵanyn rastady. Onymen jaqyn baılanysta bolǵan 18 azamat anyqtalyp, karantınge oqshaýlandy. Olardy tekserý jumystary júrgizilýde.
Ekinshi naýqas – 1987 jyly týǵan Qordaı aýdanynyń turǵyny bolyp shyqty. Ol osy ýaqytqa deıin indet juqtyrǵan tulǵamen baılanysta bolǵandyǵy úshin karantındik stasıonarǵa jatqyzylǵan. Taldaý nátıjeleri belgili bolǵannan keıin naýqas juqpaly aýrýlar aýrýhanasyna aýystyrylǵan. Sondaı-aq, ınfeksııa Atyraý oblysynyń Teńiz kentinde vahtalyq negizde jumys isteıtin Jambyl aýdanynyń turǵynynan da anyqtaldy. Bul úshinshi naýqas 1988 jyly týǵan. Belgilengen algorıtmge sáıkes, ol óńirge kelgennen keıin karantındik stasıonarǵa oqshaýlanǵan. Zerthanalyq taldaý nátıjeleri boıynsha oǵan COVID-2019 dıagnozy qoıylǵan.
Jambyl oblysy
