Tipti qaladaǵy keıbir aıaldamalar túrli-tústi jarnamalardyń da paraqshalaryna tolyp ketken. Árıne, bulardyń bári de eki myń jyldan astam tarıhy bar kóne Taraz shaharynyń sáýlettik kelbetine nuqsan keltirip tur. Bul rette osy máseleler eskerilip, qala ákimdiginiń bastamasymen kóktemgi sanıtarlyq tazalyq kezinde kóshelerdegi jarnama japsyrylǵan taqtashalar alynyp tastalýda.
Búginde Taraz qalasynyń ákimdigi atalǵan aıaldamalardy qaıta jańǵyrtý jumystaryn qolǵa alyp otyr. Qazirgi kezde qala aıaldamalary ulttyq naqyshtaǵy oıýlarmen bezendirilip, shahardyń sánin keltirýde. Qala boıynsha búginde 624 aıaldama bar. Onyń ishinde 87 aıaldamanyń shatyry ushqan jáne olardyń jan-jaqtary synǵan. Sol sııaqty qaladaǵy 185 aıaldama keńestik kezeńde ornatylǵan bolsa, 152 aıaldama sońǵy 10-15 jyldyń shamasynda salynǵan. Osyndaı kóptegen aıaldamalarǵa búginde kúrdeli jóndeý qajet. Degenmen, qala ákimdigi tarapynan bıylǵy jyldyń ózinde 41 aıaldama jańa arhıtektýralyq úlgige aýystyrylǵan. Bul jumystar áli de jalǵasyn tabady.
Jambyl oblysy
