Tórt myńnan astam kólikti onlaın tirkedi

Eske salaıyq, 26 naýryzdan bastap Qazaq­standaǵy halyqqa qyzmet kórsetý or­talyqtary men avtoHQO jumysy toqta­tylǵan bolatyn. El turǵyndary mem­lekettik qyzmetterdi tek elektrondy úkimet portalynda ala alady.

«Biz mamandandyrylǵan HQO-lar ja­bylǵannan keıin azamattar arasynda portal arqyly kólik quraldaryn qaıta tirkeý qyzmeti suranysqa ıe bolmaıdy dep boljadyq. Sebebi áli de azamat­tar­dyń kópshiligi kólikti avtoHQO-da tir­keýdi jón kóredi. Biraq statıstıka kór­setkendeı, qazaqstandyqtar tó­tenshe jaǵ­daı kezinde de kólik satyp alyp, ony ózdiginen qaıta tirkeýge qoıa alady», dedi «Aza­mattarǵa arnalǵan úki­met» memlekettik korporasııasynyń bas­qarma tóraıymy Ásemgúl Baltasheva.

Kólikterdi qaıta tirkeý qyzmeti egov.kz portalynda «Kólik jáne kommýnıkasııalar» bóliminde qoljetimdi. Ony onlaın rejiminde alý úshin satýshy ESQ-ny paıdalanyp,

egov.kz portalyna kirip, satylatyn kólik týraly aqparatty engizip, aıyppuldar men salyqtar boıynsha bereshekti tekserýge su­ranys jiberýi kerek. Eger bar bolsa, elektrondy úkimet portaly arqyly tólep, ótinishke ESQ-men qol qoıady. Osydan keıin satyp alýshy elektrondy úkimet portalyndaǵy jeke kabınetindegi ótinishpen tanysa alady, onda aıyppuldardy tekserip bolǵannan keıin memlekettik nómir jáne tehpasport úshin tıisti alymdar men tirkeý jarnasyn tóleýi tıis. Satyp alýshy mámileni óziniń elektrondy sıfrly qoltańbasymen rastaıdy. Keıin avtoHQO-ǵa tek daıyn bolǵan nómir men teh­nıkalyq tólqujatty alyp ketý úshin barady.