SDÝ rektory qoǵamnyń medısınalyq saýatyn arttyrý máselesin kóterdi

Osy oraıda Qazaqstannyń Profılaktıkalyq medısına akademııasy, Qoǵamdyq densaýlyq saqtaý jáne kásibı Densaýlyq ınstıtýty, Qaraǵandy medısına ýnıversıteti, sondaı-aq S. D. Asfendııarov atyndaǵy Qazaq ulttyq medısına ýnıversıtetiniń sarapshylary óz pikirlerin ortaǵa saldy.

О́z kezeginde Garvardtyń T. H. Chan atyndaǵy  qoǵamdyq densaýlyq saqtaý mektebiniń doktorlyq dárejesine ıe bolǵan birden-bir qazaqstandyq túlek, SDÝ rektory Qýanysh Erǵalıev kezdesý qatysýshylaryna densaýlyq saqtaý taqyrybyn pandemııanyń jáne qoǵamdyq den qoıýdyń áleýmettik aspektisimen baılanystyra otyryp, pikirlerin ortaǵa saldy. О́z sózinde Qýanysh Erǵalıev karantınnen keıingi kezeńniń negizgi aspektilerine toqtaldy. Spıker Garvard ýnıversıtetiniń qoǵamdyq densaýlyq saqtaý salasyndaǵy ǵalymdar men sarapshylardyń keńesterine negizdelgen birqatar qundy usynystardy keltirip, mańyzdy aspektilerdi atap ótti: Epıdemıologııalyq aspekt. Ár túrli gadjetter, ǵalamtor jáne áleýmettik jeliler arqyly adamdardy qadaǵalap, monıtorıng júıesin paıdalanýǵa bolady.  Sarapshy atap ótkendeı, karantın rejımin bir mezgilde jeńildetý boıynsha sheshim qabyldaýǵa basty nazar aýdarý kerek, óıtkeni el óńirlerinde epıdemıologııadyq jaǵdaı ártúrli; densaýlyq saqtaý júıesiniń naýqasty testileý, emdeý jáne medısınalyq qyzmetkerlerdiń bar-joǵyn qamtıtyn medısınalyq aspekt; áleýmettik kerneýmen, jumyssyzdyqpen baılanysty ekonomıkalyq aspekt. Qýanysh Erǵalıev sonymen qatar ShOB basshylaryna usynystar retinde sarapshy Garvard professory Djozef Ellannyń 5 strategııasyn keltirdi: múmkindiginshe qashyqtyq  rejımde jumys isteý qajet, jumysqa kásiporyndardyń tirshilik áreketi úshin qajetti negizgi eńbekkerlerdi  ǵana tartý qajet; ınjenerlik baqylaý, aýany ońtaılandyrý, jeldetý, tazartý jáne súzý bóligine nazar aýdarý; ákimshilik baqylaý, jyljymaly kestelerdi, aýysymdy jumystardy engizý jáne qyzmetkerlerdi bólip otyrǵyzý múmkindigi bar kásiporyndarda qyzmetkerlerdiń jınalýyn azaıtý, besinshi strategııa – jeke qorǵaný jáne gıgıena quraldaryn (betperde, qolǵaptar, temperatýrany ólsheý jáne antıseptık) paıdalaný.

SDÝ rektory tórtinshi aspekti qoǵammen baılanystyrdy: Pandemııa men daǵdarys jańa shyndyq pen áleýmettik normalardy qalyptastyrýǵa alyp keldi. Halyqtyń medısınalyq saýattylyǵyn arttyrý, medısınalyq qyzmetkerlerdi oqytý jáne aldyn alýdyń qarapaıym sharalaryn saqtaý. Osy aspektilerdi iske asyrýǵa Densaýlyq saqtaý mınıstrligi, atap aıtqanda, áleýmettik marketıng quraldary, ǵalamtor jáne áleýmettik jeliler arqyly adamdardyń ózara qarym-qatynasynyń jańa áleýmettik jáne qaýipsiz normalaryn jasaýǵa belsendi qatysýy tıis dep sanaımyn. Biz barlyǵymyz ózara baılanysyp, basqa eldegi adamdar qabyldaıtyn sheshimder bizdiń jumysymyzdyń nátıjelerine aıtarlyqtaı áser etetinin túsinimiz qajet, - degen pikir bildirdi Qýanysh Erǵalıev.

Qoryta kele,  spıker jurtshylyqty jumyldyra otyryp, pánaralyq tásildi qoldaný, tıimdi kommýnıkasııany qurýdyń mańyzdylyǵy, halyqtyń seniminiń tómen bolýy jaǵdaıynda oryn alyp jatqan jaǵdaılar týraly halyqty ashyq jáne barynsha senimdi aqparattandyra otyryp, ǵylymı zertteýler júrgizý, derekterdi taldaý jáne olardy basqarý sheshimderin qabyldaý úshin qoldaný jáne jahandanýdyń epıdemııaǵa áserin seziný týraly atap ótti.