Sonymen birge elorda ákimi №27 kóshedegi (Sh. Beısekova kóshesinen Turan dańǵylyna deıingi ýchaskede) jol jumystarymen tanysty. Qala ákimi Altaı Kólginov jol jumystaryn tıisti deńgeıde júrgizý qajettigin aıtty.
«Sapasyz salynǵan joldardy qabyldamaımyz, merdiger óz esebinen qaıta jóndeıtin bolady»,-dedi Altaı Kólginov.
Elordanyń 50 magıstraldy kóshelerindegi qurylys pen jóndeý jumystary bıyldyń ózinde kólik aǵynyn jeńildetýge jáne jol júrý úshin qolaıly jaǵdaı jasaýǵa múmkindik beredi. Áleýmettik nysandar men turǵyn úı keshenderine aparatyn joldar eskeriledi. Qalanyń eldi-mekenderinde jalpy uzyndyǵy 60 shaqyrymdy quraıtyn 100 kóshe jóndelip, keıbireýi jańadan salynady.
Jol jumystaryna «Jumyspen qamtýdyń jol kartasy» baǵdarlamasy aıasynda 1,5 myń adam jumyldyrylady. Barlyǵy 15 myń jańa jumys orny qurylady. Azamattar jumyspen qamtý ortalyqtary arqyly jumysqa ornalasa alady.
