Naýqastardyń biri 39 jastaǵy er adam bolsa, ekinshisi 5 jasar bala. Olar da naýqastarmen jaqyn baılanysta bolǵan azamattar bolyp shyqty. Sondaı-aq, Atyraý oblysy Teńiz vahtalyq kentinen kelgen qyzmetkerler arasynda 9 oqıǵa anyqtaldy. Belgilengen algorıtmge sáıkes, olar oblysqa kelgennen soń karantındik stasıonarǵa oqshaýlanǵan. Zerthanalyq taldaý nátıjeleri boıynsha olarǵa COVID-2019 dıagnozy qoıylǵan.
Jambyl oblystyq ákimdiginiń málimetinshe, búginde barlyq naýqastar ınfeksııalyq stasıonarǵa ornalastyrylǵan. Olar onda qajetti em sharalaryn qabyldaıtyn bolady. Al, naýqastarmen baılanysta bolǵan tulǵalardy anyqtaý boıynsha jumystar júrgizilip, oshaqtarda epıdemııaǵa qarsy is-sharalar atqarylǵan. Aǵymdaǵy jylǵy 1 mamyr kúngi jaǵdaı boıynsha búginde Jambyl oblysynyń aýmaǵynda koronavırýstyq ınfeksııanyń 132 jaǵdaıy tirkelip otyr. Onyń ishinde Taraz qalasynda 58, Baızaq aýdanynda 6, Jambyl aýdanynda 5, Qordaı aýdanynda 36, Merki aýdanynda 3, Moıynqum jáne Shý aýdandarynda bir-bir naýqastan anyqtalǵan. Sondaı-aq, Úndistan elinen kelgen «Delı – Taraz» reısiniń jolaýshylary arasynan 6 oqıǵa, Teńiz vahtalyq kentinen kelgen jumysshylar arasynan 16 oqıǵa anyqtalǵan. Indet juqtyrǵandardyń ishinen 46 adam emdelip, olar dárigerlerdiń baqylaýyndaǵy úı karantınine shyǵaryldy.
Jambyl oblysy
