Servıstik ákimdik keńsesi «bir tereze» qaǵıdasy boıynsha qyzmet atqarady. Memlekettik qyzmet kórsetetin birqatar mekeme bir jerde shoǵyrlanǵan. Jobanyń kózdegeni halyqtyń memlekettik qyzmetshilerge senimin arttyryp, jeń ushymen jalǵasqan jemqorlyq deńgeıin tómendetý. Sondaı-aq, bul jańashyldyq kórsetiletin qyzmettiń sapasyn kóterip, halyqtyń sıfrlyq saýattylyǵyn jetildirýge de oń yqpal etpek.
–Bul jańalyqtyń tıimdisi – eshkim esik jaǵalap, ǵımarat aralap ketpeıdi. Keıde sharshaǵandyqtan, tóte jol izdep, tanys jaǵalap ketetin jaǵdaılar bolady. Endigi arada osynyń barlyǵyna tyıym salý úshin ashyq ákimdikter ashyp jatyrmyz. Bul Qazaqstan boıynsha jasalyp jatqan sharýa,–deıdi oblystyq sybaılas jemqorlyqqa qarsy is-qımyl jónindegi departamenti basshysynyń birinshi orynbasary Arman Berdalın.
Tótenshe jaǵdaı rejımi kezinde azamattardy qabyldaý jáne keńester berý onlaın rejımde júrgiziledi. Negizinde balalardy balabaqshaǵa kezekke qoıý jáne de sonyń barlyǵyn qadaǵalaý. Munda birinshi qabatta memlekettik qyzmet kórsetý bóliminde balalardy balabaqshaǵa qoıý birinshi kezekte tur. О́ıtkeni, ata-analar balalarymen úshinshi qabatqa kóterilmes úshin osy birinshi qabatta-aq qyzmet kórsetemiz. Qazir memlekettik qyzmetterdiń 80 prosenti onlaın túrde kórsetiledi,–deıdi Býrabaı aýdandyq bilim bóliminiń ádiskeri Aınagúl Mákisheva.
Bul Aqmola oblysyndaǵy toǵyzynshy ashyq ákimdik. Jyl sońyna deıin osyndaı servıstik ákimdikter barlyq óńirde ashylady dep kózdelýde.
Aqmola oblysy.
