Áýezov kóshesinde ornalasqan №1 halyqqa qyzmet kórsetý ortalyǵy men mamandandyrylǵan qyzmet kórsetý ortalyǵy jumysqa kiristi. Jumys ýaqyty tańerteńgi 9 dan keshki beske deıin. Shekteý erejelerin saqtaý maqsatynda jáne adamdar shoǵyrlanbas úshin ákimdik tarapynan aldyn ala jasalǵan tizim arqyly qujattar qabyldanady. Iаǵnı qujaty maquldanǵan azamattarǵa qyzmetter kórsetiledi. Al jeke tulǵalarǵa mundaı qyzmetterdi elektrondy Úkimet portaly arqyly alýǵa bolady.
– Zańdy tulǵalar aldyn-ala tapsyrys arqyly kezek ala alady. Kesheden beri 10 adam túrli memlekettik qyzmet boıynsha ótinim jasady. Negizinen – zańdy tulǵalardyń kóktemgi egiske qajetti avtokólikteri, jyljıtyn jáne jyljymaıtyn múlikti tirkeýge qatysty qujattar qabyldanady. Daıyn qujattardy elektrondy Úkimet portalynan onlaın tapsyrys berip alýǵa bolady, – deıdi «Azamattarǵa arnalǵan úkimet» memlekettik korporasııasy oblystyq fılıaly dırektorynyń orynbasary Nurbek Qaıyrjanov.
Mamandandyrylǵan halyqqa qyzmet kórsetý ortalyǵyna keler bolsaq qazir tek zańdy tulǵalardyń avtokólikteri ǵana tirkeýden óte alady. Maska rejımi saqtalady. Jeke tulǵalar mundaı qyzmetterge portal arqyly onlaın tapsyrys beredi. Qazirgi tańda merzimi aıaqtalǵan júrgizýshi kýálikterin aýystyrý, jańa kólikti tirkeý qyzmetteri qoljetimdi. Daıyn qujattardy sol jerden kúnbe-kún alýǵa bolady.
