Koronavırýs • 06 Mamyr, 2020

Qyzylorda: Sońǵy táýlikte 5 adam vırýs juqtyrdy

212 ret

kórsetildi

1 mın

oqý úshin

Qyzylorda oblysynda koronavırýs ınfeksııasyn juqtyrǵandar sany 222-ge jetti. Bul týraly óńirlik kommýnıkasııalar qyzmetinde ótken brıfıngte oblystyq densaýlyq saqtaý basqarmasynyń basshysy Jaqsylyq Ábdisámetov málimdedi.

Murat JETPISBAEV

Qyzylorda: Sońǵy táýlikte 5 adam vırýs juqtyrdy

- Jańadan anyqtalǵandardyń 1-ýi skrınıngten anyqtalsa, 4-eýi koronavırýs juqtyrǵan naýqaspen baılanysta bolǵan azamattar. Sońǵy táýlikte barlyǵy 553 zerthanalyq synama alynsa, onyń 543 synamasy teris, beseýi oń mándi bolsa, 5 synama zerttelýde, – dedi Jaqsylyq Ábilqasymuly.

Sondaı-aq koronavırýs ınfeksııasyn juqtyrǵandarmen baılanysta bolǵan – 3242 azamat anyqtaldy. Onyń ishinde, 1746-sy jaqyn qarym-qatynasta, 1496-sy janama baılanysta bolǵan.

Jalpy 22 sáýirden beri qaraı COVID-19 ınfeksııasy 73 naýqastan anyqtalǵan. Onyń 12-si medısına qyzmetkeri. Jabyq mekemelerdi skrınıngteý barysynda 2 naýqas anyqtalsa, 43 azamattyń qarym-qatynas arqyly juqtyrǵany belgili boldy.

Vahtalyq jumystan kelgender arasynan 7 naýqas shyqty, tosqaýyl beketterindegi tekserý 3 adamnyń vırýs juqtyrǵanyn anyqtady.