Qazir dıqandar eki myń gektar jerge arpa seýip jatyr. Jalpy 4 myń gektarǵa bıdaı, 1 myń gektarǵa zyǵyr daqylyn egý josparlap otyr. Oǵan qosa, suly jáne qysha daqyldary sińirilmek. Seriktestik 2 myń gektar jerdi parǵa qaldyrypty. Bıyl qar qalyń boldy. Ylǵal mol bolǵan soń dıqandar mol ónimnen úmitti.
–Bıyl egin egýdi sál erterek bastadyq. Aýa raıy qazir qolaıly bolyp tur. Jerdiń ylǵaldylyǵy da jaqsy,–deıdi bas agronom Denıs Kozlov.
Seriktestik dırektory Aleksandr Shevelkınniń aıtýynsha, kóktemgi dán sińirý jumystaryna 80 adam jumyldyrylǵan. Olardyń kópshiligi Sımferopol selolyq okrýginiń turǵyndary. Olar úshin barlyq áleýmettik jaǵdaılar qarastyrylǵan. Tehnıkalar da jańa.
–Tórt jarym myń gektar jerge ylǵal jabý jumystaryn júrgizdik. 1000 gektar jer egis aldy baptaýdan ótti. Jalpy bıyl 8 myń gektar jerge dán egemiz. Aldymen arpa, keıin bıdaı sebýdi josparlap otyrmyz. О́nimdiligi joǵary 3 egý kesheni pen qosymsha tehnıkalar jumyldyrylady,–deıdi «QosEl Agro» seriktestiginiń dırektory Aleksandr Shevıolkın.
Qyrmanda da jumys qaýyrt. Tuqym qory qoımadan shyǵarylyp, qajetti tyńaıtqyshtarmen baıytylyp jatyr. Zerendi aýdany bıyl 247 myń gektar alqapqa dán seppekshi. Onyń ishinde maıly dándi-daqyldar kólemi ulǵaıtylyp, 54 myń gektarǵa jetkizilmek.
