«Bul sharalar aıyrbastaý pýnktterindegi valıýtalardy satyp alý jáne satý baǵamdary arasynda negizsiz joǵary marjany ornatýǵa qarsy jáne álemdik qarjy naryqtaryndaǵy qubylmaly jaǵdaıǵa baılanysty qarjylyq turaqtylyqty saqtaýǵa baǵyttalǵan. Shetel valıýtasyn satyp alý baǵamynyń satý baǵamynan aýytqý shekteri: 1) AQSh dollary – 6 teńge; 2) eýro - 7 teńge deńgeıinde belgilendi. Qabyldanǵan shekteýler qolma-qol aqshasyz ótkiziletin aıyrbastaý operasııalaryna qoldanylmaıdy. Qaýlynyń tolyq mátinimen Qazaqstan Ulttyq bankiniń ınternet resýrsynda tanysýǵa bolady»,– delingen habarlamada.
