Fransııa chempıonatynyń 2019/20 jylǵy maýsymynda Kıllıan Mbappe 18 ret nysanany dál kózdedi. Jas juldyz barlyq goldy taza oıyn barysynda soqqan eken. Ekinshi oryndy ıelengen «Monakonyń» oıynshysy Vıssam Ben-Iedderdiń de kórsetkishi dál sondaı. Alaıda ol úsh dopty penaltıden engizdi. Sol sebepti de Ben-Iedder Mbappeden tómen tur. Úshinshi satyǵa Musa Dembele jaıǵasty. «Lıonnyń» shabýylshysy 16 márte mergendik tanytty.
Qatarynan ekinshi ret eń úzdik shabýylshy atanyp otyrǵan aıtýly fýtbolshy jaıynda tolyq aqaparat beretin bolsaq, ol 1998 jyldyń 20 jeltoqsanynda Parıj qalasynda dúnıege keldi. Tómengi dıvızondarda óner kórsetip júrgen daryndy jasty alǵashqy bolyp baıqaǵan «Monako» klýbynyń skaýttary edi. Aıtýly komandanyń sapyna Kıllıan nebary 17 jasynda Fransııa chempıony atandy. 2017 jyly oǵan PSJ-nyń kózi tústi. Bul kúnderi Mbappe sol klýbtyń sapynda jasyndaı jarqyrap júr. Qazirgi kezde ol álemdegi eń qundy fýtbolshylar kóshin bastap tur.
