Qazirgi tańda qalada 200-ge jýyq soǵys ardagerleri men 14 myńnan astam tyl maıdanynyń qatysýshylar turady. Áskerı qyzmetshiler olarmen tyǵyz baılanysta, qal-jaǵdaılaryn bilip turady, turmystaryna kómek kórsetedi.
Jeńis kúni qarsańynda áskerı qyzmetshiler quttyqtap qaıtqandardyń qatarynda Almaty jáne Almaty oblysynyń qurmetti azamaty, «Kazahstanskaıa pravda» gazeti atyndaǵy halyqaralyq maıdandyq klýbynyń prezıdenti gvardııa polkovnıgi Leonıd Gırsh, Qazaq KSR halyq ártisi, Memlekettik premııa laýreaty, ártis Iýrıı Pomeransev, soǵysty basynan ótkerip, keıin qarapaıym sarbazdardyń erlikterin óziniń týyndylarynda beınelegen jazýshy Ábdijamal Nurpeıisov ta bar.
Sonymen qatar, Nur-Cultanda áskerı qyzmetshiler Uly Otan soǵysyndaǵy Jeńistiń 75 jyldyǵymen ardagerlerdi quttyqtap, turǵyn úılerdiń aýlalarynda konsertter qoıdy.
QR QK Ulttyq áskerı-patrıottyq ortalyǵynyń Ortalyq ansambli ártisteri patrıottyq shyǵarmalar men soǵys jyldarynyń ánderin oryndady, qala kóshelerimen avtokólikpen júrip ótip, turǵyn úılerdiń aýlalaryna kirip, merekeniń basty batyrlary – ardagerler men jergilikti turǵyndardy quttyqtady. Kórermender qoıylǵan konsertti jaqsy baǵalap, áskerı ártisterge alǵystaryn bildirdi. Odan basqa Aqmola garnızonynyń áskerı qyzmetshiler úıde otyrǵan ardagerlerdiń jaǵdaıyn surap qaıtty.
9 mamyrda tańerteńgi 10.00-den 13.00-ge deıin áskerı qyzmetshiler taǵy da Nur-Sultan qalasynyń ár túrli jerlerinde konsert beretin bolady.
Surapyl soǵysta aldyńǵy qatarda turǵan jáne tylda júrip Jeńiske jetýdi kózdegen Uly Otan soǵysynyń batyrlarynyń árqaısysynyń jaýyngerlik joly men erligi urpaq jadynda máńgi saqtalýy kerek. О́kinishke oraı, jyldan jylǵa soǵys ardagerleriniń sany azaıyp keledi, olardyń eń kishisi toqsanǵa tolý mereıtoıyn atap ótti.
