Bóribaı Qulmanuly 1920 jyly 6 maýsymda Qyzylorda oblysy Syrdarııa aýdanynda dúnıege kelgen. Rjevsk pen Volga boıyn jaýdan azat etýge qatysqan maıdanger «Qyzyl Juldyz» jáne «Otan soǵysy» ordenderimen marapattalǵan.
Elge oralǵannan keıin de ardager óńirdiń áleýmettik-ekonomıkalyq damýyna zor úles qosty.
О́ńir basshysy Gúlshara Ábdiqalyqova ardagerge el Prezıdenti Qasym-Jomart Kemeluly Toqaevtyń quttyqtaýyn jetkizip, beıbitshilik pen jarqyn bolashaqty qorǵaǵan qart sarbazǵa alǵysyn aıtty.
Ardager de ózine únemi kórsetilip otyrǵan qamqorlyq men qoldaý úshin rızashylyǵyn bildirdi.
О́ńirdegi 16 UOS ardageriniń 8-i Qyzylorda qalasynda, 1-ýi Aral aýdanynda, 3-ýi Qazaly aýdanynda, 2-ýi Syrdarııa aýdanynda, 1-ýi Shıeli aýdanynda, 1-ýi Jańaqorǵan aýdanynda turady.
Búgin oblystaǵy barlyq maıdangerlerdi óńir basshysy men qala, aýdan ákimderi quttyqtap, Qazaqstan Respýblıkasy Prezıdentiniń quttyqtaýyn tapsyrdy.
Bıyl óńirdegi 16 maıdangerdiń barlyǵyna 1 mln 111 myń teńgeden berildi. Jalpy soǵys ardagerleri men tyl eńbekkerlerine materıaldyq jáne áleýmettik kómek kórsetýge 437 mln teńge bólingen.
