Keshegi qan maıdanǵa qatysqandardan qalǵan sanaýly ǵana ardagerdiń biri 96 jastaǵy Ábdirahman Báıtikov. Kýrsk maıdanynyń qaharmanyna zııatkerlik mekteptiń «Alash» shańyraǵy syı-qurmet kórsetip, aqsaqaldyń aq batasyn aldy.
Otty jyldarda Belarýs, Polsha, Germanııa maıdandarynda bolǵan taǵy bir jeńis batyry – Bóribaı Qulmanuly bıyl ǵasyrlyq toıyn atap ótedi. «Suńqar» shańyraǵy ókilderimen ótken kezdesýde Bóribaı ata maıdan dalasyndaǵy estelikterin aıtyp, ózine kórsetilgen qurmet úshin rızashylyǵyn bildirdi.
– Elimizde tynyshtyq bolsyn, halqymyz aýyzbirshilikte ómir súrip, jastarymyz elimizdiń atyn asqaqtata bersin. Arnaıy bas suǵyp, jaǵdaıymdy surap kelgenderine úlken raqmetimdi aıtamyn. О́renderimiz bilimdi bolyp, eline, jerine qyzmet etetin naǵyz maman ıeleri bolyp óssin, – deıdi aqsaqal.
Máskeý mańynda áýe shabýylyna qarsy qorǵanys áskeriniń sapynda soǵysqan Kálep Bekturǵanovqa da mekteptiń shynaıy qurmeti men alǵysyn 12-synyp oqýshysy Tamara Rozmetova jetkizdi.
– Eshkim de, eshteńe de umytylmaıdy. Ardagerlerdiń eren erlikteri, qajyrly eńbekteri men tabandylyqtary úshin bas ıemiz. Bizdiń bilim alýymyzǵa jáne bolashaqqa maqsat quryp, armandardyń oryndalýyna jol ashyp, beıbit kúnderdi syılaǵan atalarǵa alǵysymdy bildiremin, jadymyzda máńgilik saqtalady, – dedi Tamara Rozmetova.
Jeńis batyrlarymen júzdesken zııatkerler er esimi máńgilik el esinde saqtalyp, erlikteri urpaqtan urpaqqa jetip otyratynyn kórsetti.
