Oblys ákimi Gúlshara Ábdiqalyqovanyń kórshi óńirdegi aǵaıynǵa kómek kórsetý bastamasyna aımaq kásipkerleri, qarapaıym turǵyndar úles qosyp otyr. Volonterler az ýaqyt ishinde 15 tonnaǵa jýyq kıim-keshek, uzaq saqtalatyn azyq-túlik túrleri, gıgıenalyq zattar jınap, sý tasqynynan qınalǵan aǵaıynǵa attandyrdy. Tórt kólikke tıelgen gýmanıtarlyq kómekti 15 erikti bastap bardy.
– Maqtaaral jurtynyń basyna túsken qıyndyq barlyq elge ortaq. Biz osy saparymyzda ondaǵy aǵaıynnyń jaıyn bilip, qoldaý kórsetip, aldaǵy ýaqytta qandaı járdem qajettigin bilip qaıtamyz, – dedi kómek kerýenin uıymdastyrýshylardyń biri, belgili aıtysker aqyn Muhtar Nııazov.
Mundaı gýmanıtarlyq kómekter oblys ortalyǵymen qatar aýdandarda da uıymdastyrylyp jatyr. Osy kerýenge Syrdarııa aýdany eriktileriniń kómegi kelip qosylsa, Jańaqorǵan aýdanynyń volonterleri jınaǵan járdemin maqtaaraldyqtarǵa jetkizip beripti.
Volonterlerdiń oblystyq shtaby jetekshisi Olga Chebakovanyń aıtýynsha, kórshi óńirge kómek kerýeni alda da uıymdastyrylady.
Qyzylorda
