Keshen jumysymen tanysýǵa kelgen qala ákimi Nurlybek Nálibaevqa jylyjaı dırektory Ǵanı Almatov 2 jyl kóleminde júzege asqan joba jaıly jan-jaqty aıtyp berdi. Qazir 2 gektardan asatyn jylyjaı aýmaǵyn 2023 jylǵa deıin 7 gektarǵa jetkizý josparlanýda. Ispan tehnologııasymen jabdyqtalǵan jylyjaı elektr jaryǵy men sýdan tapshylyq kórip otyrǵan joq. Tek tabıǵı gaz ben kúre joldan keshenge jetkizetin joldyń joqtyǵy sál qıyndyq týǵyzyp otyr. Qazir ár kelisin 250 teńgeden baǵalap, saýda ortalyqtaryna kúnine bes tonnaǵa jýyq qııar ótkizip otyrmyz. Maqsatymyz – syrttan keletin kókónisti azaıtyp, jergilikti ónimdi kóbeıtý. Aldaǵy ýaqytta qyzanaq, bolgar buryshy, baklajan ósirýdi bastaımyz. Kúnine 10 tonnaǵa deıin qııar jınaıtyn da múmkindigimiz bar. Eger tabıǵı gaz jetse, ónim baǵasy da arzandaı túsedi, – deıdi jylyjaı dırektory.
Qala basshysy kásipkerdiń bastamasyna sáttilik tilep, máseleniń nazarǵa alynatynyn aıtty.
Qazir budan bólek qalaǵa qarasty Qaraýyltóbe aýyldyq okrýginde 1 gektarlyq keshen jumys istep tur. Dál osyndaı 8 shaǵyn jylyjaıdyń da ónimi kúndelikti saýda sórelerine túsýde.
Jalpy bıyl «Qarapaıym zattar ekonomıkasy» baǵdarlamasy boıynsha taǵy 2 gektar aýmaqqa jylyjaı kesheni salynbaq. Ońtústik Koreıa tehnologııasy boıynsha júzege asatyn joba quny 800 mln teńge.
