Aımaqtar • 12 Mamyr, 2020

Alaıaqtardan saq bolyńyz!

1195 ret

kórsetildi

1 mın

oqý úshin

Qazir quqyq qorǵaý qyzmetkerleri alaıaqtyq qylmystarǵa basa nazar aýdaryp otyr. Ońaı olja kózdegender ózderin áleýmettik, zeınetaqy jáne kommýnaldyq mekemeler ókilderi retinde tanystyryp, arzan baǵada azyq túlik jáne basqa da qajetti zattar alýǵa usynys jasap, azamattardyń senimine kirip, arbaýyna túsirýde. Osyǵan baılanysty Qyzylorda qalalyq Polısııa basqarmasynyń bastyǵy, polısııa polkovnıgi Ermek Ysqaqov turǵyndardy saq bolýǵa shaqyrdy.

Murat JETPISBAEV

-Kóp jaǵdaıda, alaıaqtar qart kisilerdi, qarjylyq kómekke muqtaj azamattardy tańdap, olarǵa baspana alýǵa kómektesemin, az paıyzdyq mólshermen nesıe alyp beremin degen jeleýmen aldaıdy, – deıdi ol.

Sondaı-aq qazir ǵalamtor jelisindegi alaıaqtyq qylmystar da ósip otyr. Alaıaqtar áleýmettik jelilerde turmystyq zattardy satý-jetkizý paraqshalaryn ashyp, aldyn ala aqshasyn tıisti esep-shotqa aýdartyp alady, tapsyrys berýshiniń jeke málimetteri arqyly syrttaı onlaın nesıe rásimdeıtinder de bar.

«WhatsApp» jelisinde paıyzdyq mólshermen ústemaqyny kóbeıtý sekildi sms habarlamalarǵa aldanyp, kórsetilgen esep-shottarǵa aqsha aýdaratyndar bar. Bul alaıaqtyń alpys aılasynyń biri.

Qalalyq Polısııa basqarmasynyń bastyǵy Ermek Ysqaqov ǵalamtor arqyly qajetti zattarǵa tapsyrys bergende aldyn ala tólem jasaýǵa asyqpaǵan jón ekendigin aıtady.